呀晴,呀豪同埋仲文既三角形既戀愛開始進入第二階段啦
根據龍仔對呀晴既認識 加上近日觀察呀豪 仲文
佢知道黎2個男仔係好兄弟
重要咁岩得咁橋左鐘意同一個女仔 呀晴
而呀晴佢 雖然呀甘走左 但係呀晴個心里面
其實呀甘從來都未離開過
佢地兩個發生過既事
一件一件深刻咁印係心中
其他人根本就唔可以代替到
從呀甘走左之後 呀晴冇一日係開心咁樣笑過啦
但係由認識左呀豪同仲文黎2個人之後
呀晴變得開心左 變得冇以前咁孤寂
佢既笑聲又由佢地兩個引發出黎
龍仔諗佢地宜家雖然係好開心
但係亦因為宜家咁開心
唔知道自己三個已經墮入左三角形既戀愛
到呀晴要選擇既時候 究竟會選擇邊個?
而呀豪同仲文會唔會因為呀晴而面臨冇兄弟做呢?
龍仔諗到黎到 突然知道 其實佢地三個既事應該由佢地諗
我杜黎d外人根本冇可能俾到意見佢地
就算俾左佢地都冇咩用
龍仔話都係唔好埋 睇下佢地自己發揮啦
鈴...鈴...鈴...
呀晴打俾龍仔 話有野想同佢傾下
龍仔聽得出佢有d煩惱自己諗唔掂
於是就搵佢好朋友龍仔 不過龍仔係男仔
所以龍仔再搵多一個人出黎
佢就係軍師
軍師佢對男女之間既問題最了解
呀晴出到黎 叫左杯飲品 但係冇飲過
只係不停咁攪攪攪
軍師一睇就知 呀晴佢煩緊咩(龍仔咩都冇講過俾軍師聽架!_!)
一針見血咁問呀晴 係咪同時有幾個人追你呀
呀晴窒一窒 係到諗點解佢會知既
跟著呀晴就簡單咁講下
原來呀豪同仲文係唱完k之後
不斷sd信息同佢地傾計
但傾傾下 呀晴發覺佢地兩個似想追佢咁既感覺
呀晴唔肯定 所以想叫龍仔幫佢問下
(龍仔本身都想問架啦 不過俾呀聖搞亂左 請留意第三章)
龍仔同呀晴都覺得軍師好勁呀
事前全不知情 但一睇就知
呀晴係到煩緊 龍仔見佢咁煩
於是一口答應左呀晴
幫佢收下風
等呀晴走左之後
龍仔問軍師 如何是好呢?
軍師俾左個意見
叫龍仔由呀豪入手先啦
呀豪心直口快 會比較宜入手
龍仔聽軍師意見 約左呀豪去玩
想知龍仔會套到咩料 留意下一集啦 阿童木
| 
