有左第一次既成功  就梗係有第二次

一次比一次深刻 一次比一次精彩

呀源係一個初中學生 

係岩岩去到既中學入面 

佢第一個 第二個 第三個朋友都係男仔

 直至到第四個.............

黎個女仔叫呀欣

佢大呀源一年 但係佢既行為比較大個女

性格比較豪爽

對朋友好講義氣

直得成個現代關二哥咁

佢好男仔頭 但有時佢會好溫柔

直係唔知當佢係男仔定女仔

呀源佢好鐘意打波 一有時間就會去打

佢又好鐘意一班人出黎 所以次次打波都會叫好多人出黎

 雖然呀欣同呀源住得好近  但係因為佢地之前係唔熟既

但係自從佢地一齊讀書後

呀源同佢一齊番學一齊放學

而呀源亦開始搵呀欣去陪佢打波

粞呀源打到冇氣個時  呀欣總係會俾水呀源飲

有汗 呀欣又會俾條毛巾呀源用

久而久之 呀源已經習慣呀欣陪伴係身邊

而呀欣同樣都習慣去幫呀源 陪係佢身邊

開頭呀源對呀欣都係當兄弟咁

但係之後呀源好近距離睇到呀欣個樣

心諗:其實呀欣都好靚呀 對我又細心

呀源心切面就係由個陣時開始認真咁留意呀欣

留意之下 其實呀欣對佢好似特別好

又唔係好特別咁

搞到呀源個心開始亂諗野

個心係到十五十六咁

其實呀源知道自己原來已經鐘意左呀欣

但係佢冇膽去同呀欣講

就係咁由個開始  呀源一直暗戀呀欣

一直唔講出口

呀源將份感覺放係心入面  永遠唔俾呀欣知

暗戀係一件好痛苦既事 自己明明鐘意人

但係又冇勇氣去面對  往往就係咁流失左好多機會

多數第一次的戀愛  係一段好純真既愛

我重記得我有個朋友叫呀成 佢第一次好純...

重記得個時呀成只係小五  對於愛完全唔知係咩一回事

但係俾呀成遇到佢  佢開始有想去愛既感覺

如果我冇記錯 個女仔叫呀如 佢係一個好平常既女仔  

唔係特別既聰明 又唔係特別靚

但係唔知點解 次次我一見到佢  

呀成塊面就會好快紅 個心重跳得好快

佢行近一步  呀成就退一步

雖然係咁 但係呀成都重係好鐘意係好遠既地方咁睇佢

我重記得佢係學校既舞龍隊

一個星期有兩日留係學校練習

而呀成因為佢 特登去跑步 入左田徑隊 

記得個時 佢地雖然同一班  但係冇咩野講 

完全講唔上係朋友 

就係自從呀成佢入左田徑隊就後  

放左學12點幾 同班關係 一齊食lunch

lunch個時有傾有講  自然開始熟悉佢另一面

佢雖然唔係好聰明 但係有時蠢蠢地既女仔先得人鐘意

佢雖然唔係好靚 但係係佢身上你可以搵到'清純'同埋'可愛'

食完lunch之後 呀成同佢就分開去練習

佢係到舞龍個時我就係到睇住佢舞 

到呀成練跑個陣 佢又會係場邊到同呀成打氣

如是姐過左三個月 我同佢分別去比賽

係比賽之前 呀成問我借電話打俾佢

係電話到講:

呀如 今日我去比賽

我會盡力去攞個金牌俾你

因為我覺得你既笑容俾左我動力

因為我覺得你既關心俾左我信心

因為我覺得你既陪伴俾左我開心

你俾左咁多野我 我冇咩可以送俾你

只有盡全力去攞金牌去多謝你

我唔知呀如點答佢 但係我重呀成個樣睇到佢係笑架

比賽完左 呀成真係攞到金牌

佢係第二日番學 一見到呀如 第一時間送左個牌俾佢

單單係黎一個行為睇得出 呀如係呀成心入面

已經又一個唔係好熟悉既同學 變仍左係佢生活中不可忘記既女仔.....................

一年既時間過得好快 話咁快就去到小學六年班既下學期

好多同學都係到準備緊升中既事

呀如呀成都係一樣

佢地兩個各自搵左自己想讀既中學

鈴鈴鈴鈴 鈴鈴鈴鈴

放學既鐘聲又響起啦 

距離放暑期只係得番半個月左右

係黎半個月入面  老師唔再俾功課學生

上堂都係係到睇下電影  講下做人既道理

就係黎個時候 呀成行過去呀如身邊

用盡佢平生既勇氣去同佢講左六個字:

呀如  我鐘意你

對於一個小學生黎講 佢地都唔知咩叫鐘意

女仔第一時間就梗係面紅 之後就一枝箭咁飛走啦

黎個尷尬場面足足維持左半個月 

去到係對左六年小學生活既校園最係一日

呀如主動行過去呀成到 同佢講:

其實我都係

呀成既第一次戀愛就係咁樣開始.........................................

係黎段純純既愛入面 咩都冇唔會有金錢 性 條件

只係得好平凡既感覺做主導

所以多數人既初戀 到係比較純

我們的主題曲

對第一個鐘意既女仔 我會用'當你孤單你會想起誰' 因為黎首係我地一齊用既鈴聲

對第二個鐘意既女仔 八爪魚 我會用'下學期' 因為我地真係係下學期先開始

對第三個鐘意既女仔 5+ 我會用'我不要被你記住' 因為我講左d唔好既野黎傷害佢

對第四個鐘意既女仔 陳wing 我會用'nothing's gonna change my love you' 因為佢係我既第一最愛

對第五個鐘意既女仔 呀婉 我會用'短罪' 因為我同佢永遠都係唔岩既時間 唔岩既身份 做d唔岩我地做既事 令到大家都唔開心

對第六個鐘意既女仔 小信 我會用'我愛的人' 因為我同佢一齊既時間係最開心 但係一d誤會令到我地分開 "我愛的人 不是我的愛人"

人人都有一首主題曲 你個首會係邊到搵到呢?

岩岩起身開住部電視 就係到睇獨家試愛

睇完明白我同你已經係過去式

放心 我只會當你係好朋友

只會係一個曾經相愛過既女朋友

學會放得一切

好開心你比我快 搵到個對你好既人

希望我會搵到啦

今日17歲啦

祝自己生日快樂