今日去左動漫節

8點幾出左去食早餐

之後出發

有我 陳+昇 佢表弟(激似家達) 暴龍 k倫 佢家姐同埋佢d fd

9點去搭車車

搭左半個鐘左右

陳+昇表弟佢話好急 (都叫左佢上車前去架啦-_-")

我地叫佢忍下先

點知去到怡和到 佢話真係忍唔到 要落車去解決

咁我地咪同佢一齊落

去完廁所之後我地搭的士塒會展 (車錢由陳+昇表弟 家達俾 ^_^"")

去到先10點左右 岩岩開場

唔洗點排就入到去

入到去我地就周圍行下

行到12點 開始肚仔餓 但係見到呀sa係台上面

so冇去食野

行到2點幾 真係頂唔順啦 -口-

勁肚餓 行過去 勁多人 冇位

於是走去出面食野

暴龍話不如過左海 去左尖沙咀先算

去天星小輪搭船 船費只係$2.8 好平呀   ^口^

去到尖沙咀 暴龍又話不如去朗豪坊到食

結果我地由尖沙咀條彌敦道行到旺角條彌敦道

行左足足成半個鐘 支力到死死下 -_-"""

結果食完飯 行多陣街就番屋企

今日冇咩收穫 得個紋身手套 係老虎 都幾好玩

今日12點幾出左元朗搵青蛙佢地

食完野去搭車入下白泥

有我 青蛙 佢呀哥 和仔 志權 柒俊 鯊魚 飛忠

入到去 2點幾 又唔曬 天氣唔錯

3點幾個陣 我成功成為第一個勾到魚既人(不過只係一條魚毛仔)

之後鯊魚都釣到(都係魚毛仔)

到5,6點左右 和仔釣到條真係算係大既魚

即刻成為和哥 唔再叫和仔

釣到9點幾到 我同鯊魚 柒俊 飛忠一齊搭車落元朗

搭搭下架車突然死左火

結果有5,6個人去"怒漢推車"(我同飛忠都係怒漢之一)

推完之後居然俾青蛙見到 重要俾佢笑-__-

最後我地搭第二架車落元朗

今日我係第一名 鯊魚係第二 和哥係第三

覺得我自己好叻仔

成績係:一條魚毛仔 + 一條大魚

黎排冇出到街 悶到死死下

成兩個星期都冇出過

除左星期四

不過7月就黎完啦

8月會多野玩好多

2號去釣fish 唔知會釣唔釣到呢??

3號就去動漫節 唔知會唔會識到靚女呢??

希望有啦

今日上埋今個月最後一堂

今日又係我最早上到去

上左去成十幾分鐘都冇人

之後巨咪(同學暴龍)上到黎

操番到體能 操到6點左右啦

操到咁上下 虎Sir叫我同巨咪打三個回合

點知打打下 打左5個回合

同佢實在太難打啦 佢重我20kg左右

打疽5個回合 我就俾佢打得多

我打佢....得幾拳打得中

不過俾佢打左一野小腌 好甘頂

之後到我同一個師姐輪流打巨咪

我打左2個回合就放棄啦 好支力呀

今日總共打左7個回合

成21分鐘 -_-"  打完成個人好支力

我係個新手 要同個學左幾個月 又唔同kg既人打

打中幾拳都算有d成績

最後去睇下自己有冇重到..

結果重左 有59.8kg 就到我目標:61kg

好+油+油

手臂都差1.5吋 希望快d成功

今日四點二左右上左拳館到

原來我係第一個上到去

見到呀虎係到打掃

之後師姐上到黎 兩個師兄緊住都上都黎

我地四個係到做熱身

拉根超超超超超辛苦 拉到腳仔軟

操左一個鐘體能之後 

學番直拳 勾拳  +埋新+既"昇龍拳"

發覺自己愈來愈勁

之後幫暴龍操防守 上台係咁打佢

打左兩個回合 都係一拳都打唔中佢

冇計啦 我係新手+同佢唔同組

今日終於有得開始打沙包啦 好開心^_^^_^

操到7點左右 搭KERORO(k66)番屋企

差d唔知醒落車 好彩姐-_-"

距離目標又進一了大步

好開心^_^ ^_^