上一章講到龍仔知道左呀豪既心事
知道左一個 梗係要知道晒第二個 仲文
仲文黎個人好神秘 平時你會覺得佢只係一個斯文既學生
但到某d時候 佢就會搞d爛gag 引下身邊既人笑
雖然係幾凍 但係真係幾岩時間出現
仲文冇咩朋友同興趣
朋友方面就以呀豪同龍仔為主
而興趣得一味 就係踢波
由於仲文咁鐘意踢波
龍仔就約佢去踢波 一定成功
仲文一口答應左出黎踢波
踢左一陣之後 龍仔同仲文坐埋一邊休息下
飲緊野個時 龍仔特登問仲文覺得呀晴點呀？
仲文平時已經係靜靜地 點知龍仔問完更加靜
龍仔見佢咁尷尬 就肯定佢同呀豪一樣
不過仲文比呀豪怕羞
呀豪至少會講出佢既心聲
而仲文就收收埋埋 成日唔俾人知咁
隔左一陣之後 仲文開口講野
話佢其實係鐘意呀晴
重以為龍仔係呀晴既男朋友
龍仔就笑笑口 同仲文講
龍仔同呀晴已經識左五年啦
一直都當呀晴係妹咁看待
估唔到仲文居然會誤會佢地
仲文聽左之後鬆左一口氣
就講晒之前冇膽講既野
其實佢係係唱ｋ個次先發覺佢鐘意呀晴
本身仲文覺得呀晴黎個女仔冇咩特別
但係經過一年既認識
佢又發覺呀晴係個好女仔 對人細心
傻下傻下令人覺得佢楚楚可憐
對佢產生左一種不知名既感覺 地球既地心吸力 宇宙間既萭有引力 加上乾坤兩極既或然率
簡稱 緣份
令佢對呀晴萌生起愛意
當龍仔聽完佢講既野之後
就諗 如果仲文知道呀豪同時愛上左呀晴
咁佢兩兄弟會點呢？？
仲文見龍仔聽完一句野都冇講過
以為自己講錯野
龍仔又好似問呀豪咁問仲文
仲文你係唔係愛呀晴？
仲文你係唔係認真既？？
仲文用晒佢生平既勇氣講：係！！！
龍仔話：得架啦 你放膽去做你想做既野啦
講完黎句仲文好開心 講左句唔該就走番屋企
龍仔知道要佢地自動放棄係好難架啦
所以佢諗佢地可能可以公平競爭............................................
究竟龍仔點解要咁做呢?? 番意triangle's love第七章啦 <>.<>"" 阿童木
| 
