今朝早8:00起身,搞晒又自己一個人去學校啦,

今日都係去我個妹間學校考試,

一路就一路唔識去,驚行錯,

幸好終於到達左啦....

去到又係要等,差唔多時間就上得去啦,

上到去就開始turn台啦,

好彩我琴晚一早turn好...

今日唔使再turn啦,

9:15上去hall坐係到,仲未有得考,

就係到聽電台播d咩啦,

原來係播緊d點唱,係幫我地打氣嫁...

d點唱人write既野同埋個2個主持真係好搞笑呀,

聽到有時係到陰陰笑,

聽聽下,就播朋友仔首歌喎,

就係個下,唔知仲咩事,

聽到呢首歌好有感觸,

好想喊呀...可能太掛住一齊上堂既日子啦,

同埋諗到之後會分開,就好唔捨得,

話晒都識左咁耐呀,有感情麻....

到左10:00先開考,

d答案個個都差唔多,聽得唔清楚真係會選錯答案呀,

份卷都算易,都ok....

唔講唔知,我前面個個係同我同一間school嫁

仲係reapter黎嫁,又係修t&t,

一齊上過堂嫁,真係同佢有緣呀,

佢個number係我前面,

咁即係佢既考試學校全部同我一樣嫁...

真係有d衝動想同佢溝通下,

話晒都係一場同學呀,不過我識佢,佢唔識我,

考完就番家lu....又考完一科,又少左科既壓力,

番到去就煮野食,跟住2:30就出左街,

差唔多成7:00先番到屋企....

今日唔多開心呀,因為d某某人呀,嗌左場交,

真係好嬲呀 ....呢幾日又成日唔知仲咩事,

日日都比mum and dad針住鬧,

有咩得罪你地呀,係咪都話我,

有冇當我係你地個女嫁....

終於忍唔住,喊左出黎啦,

喊左好耐,之後就冇事lu...

回復心情,不過佢地係唔知我喊嫁...

我點都唔會比佢地知我喊呢件事既,

唉~有時真係唔知佢地諗咩呀,

不過我都知佢地係為我好既....

算啦~好累啦...聽日又要開始溫中史啦,

加油..加油...唔好放棄呀....

女人們你地都係呀....

yeah....~