大學期末第一個考試終于過去，諗反自己温書果幾日嘅情緒起伏真係覺得好好笑
温書有時候腦袋放空是常事，但那時放空的情況比先前多，可能面對住太多要死背的資料已有覺得「一定記唔晒」的感覺
冇錯，最終都係記唔晒同明明有五日時間温書，較為入腦的是尾兩日，前果三日都係對住啲筆記發愣...
就係尾兩日果時，就係甘怪自己前果幾日唔好好温書，情緒鬱結，自己明明知道甘會温唔到書但係都冇辦法制止自己
之前仲鑽牛角尖，覺得「自己連呢啲野都背唔好，第時仲有更多野要背，你點做到中醫師」
最終情緒鬱到一個點，出現頭痛、肚脹的情況，最後頂唔順，想早訓就算，但完全訓唔到
到今日帶住殘軀考試，好在都寫到幾句，唔會死得太離譜
之後諗反以上的事件，真係覺得自己好誇張
反思反自己點解會甘諗，其實係自己比太多壓力比自己，就係甘，身體差左好多，由入大學開始憔悴易累，放假就好左甘
自己知道本身同其他人比係差啲，但係你自問盡左力都係甘就冇辨法啦，諗甘多做乜丫
就係太鍾意比較，明知唔好都係甘，所以，比起讀書，想定一啲其他方面既目標比自己:
1. 要欣賞其他人之餘要欣賞自己
2. 珍惜同任何人相處的時光
3. 不要再畏首畏尾，決定了就不要常懷疑自己，錯了大不了改好
4. 要調理好反自己身體
5. 知足常樂
6. 不畏他人異目，做自己認為對的事，每人價值觀都不同
好! 寫住甘多先，要係今個假期好好練習，雖然都係一啲一直都知既道理，但定左做目標先至會令自己更有動力做好!
|
