假期差唔多除咗年30至初2外,我就日日都留係屋企..

天氣時泠時熱,真係激死人

本身以為返學可以KEEP住凍,點知..唉...

星期2係最熱既一日,我真係激死咗

本身想上一個涼涼地既PE堂,點知..

又係熱爆.....個日睇黎都要帶多件3

講返呢幾日...

日日都係度HEA,有時連出街買野食都唔想出

搞到瘦咗....係今日為咗買野同少團,咪唯有出街..

少團...玩咗一陣就打波LA..

點知,我真係老LA

而家跑幾步就攰...連射波都冇力><

跟住行返屋企時,居然會覺得攰...

有時真係唔認老都唔得

不過算啦,我都諗住過埋今年就開始慢慢少玩D 運動

始終都係讀書要緊MA!

上堂我都要開始認真LA!

我要開始讀書LA!!

仲有兩日就大一歲啦...

呢一年..由13到14

諗返起,真係有好多改變...

無論係性格,興趣,想法....

好多好多都變咗....

呢D都有好有唔好

不過呢D改變咪就係成長LOR!!!

我發覺我又成熟咗,講既野又深咗

而家期待14歲的來臨

怒火...生氣....呢D都係人既正常反應

有人,會係嬲既時候到處發洩,咁樣可能會得罪咗人

有人,會係嬲既時候收收埋埋,盡量唔俾人知,係私下自己搵D野發洩

仲有好多好多....

其實....生氣既原因可能就係因為你個一刻認為其他人做錯野

但係,有D時候,可能你未清楚事情既真相就發嬲

就算知道咗,你可能會唔相信

係呢個時候,誤會就會發生

嚴重既誤會可能會帶黎好沉重既後果

所以,我地點解唔係呢個慘劇發生前去阻止呢?

例如,了解成件事之後,再作決定...

或者試下化解自己既仇恨

如果你唔阻止誤會既發生,

係往後既日子,你一回想起,可能會後悔

就係因為以上種種既原因,

所以我地應該係發嬲之前認真諗一諗

自己有冇做錯,對方有冇做錯

又或者試下諗D方法去解決

咁樣總好過發嬲...

而家係5點23分

岩岩由學校返黎..

係學校,我同李SIR私下傾咗好多好多野..

佢俾咗我好大既指示

佢令我更清楚自己要做D咩

真係好多謝佢...

之前,我仲有好多野未分得清是非對錯

而家,可能都未可以完全分到...

但最少我有一個明確既指示

我而家要慢慢了解自己究竟要做D咩

topic 係LAST DAY..你會問:你又未死,點解係LAST DAY

因為聽日...

星期一!!即係要返學既日子,又要練籃球

好多人都知我傷咗LA,但係呢D咁既傷患係阻我唔到既!

為咗係下一埸比賽有更好既表現,為咗完成願望

更為咗我許下既承諾

係呢一埸比賽,我會盡全力去打!

雖然係傷咗,但係有一日既休息就已經好足夠!

聽日,我會好用心咁練波,,我會做好一個CENTRE

跑唔到全速...呢個問題唔係好大...

只要我仲可以上埸比賽,咁就夠啦