得到就要珍惜,失去就要爭取

呢個係我既座右銘

好多人都話係從失去中,學到珍惜

我覺得佢地講呢句野,根本就係籍口

點解佢地永遠都要失去先去珍惜

如果得到既時候,好好去保留,咁就應該會更好

但係我角度睇,呢個所謂既珍惜既背後就係後悔

因為我唔想有任何後悔,所以得到既時候就要珍惜

今日早上約咗人打籃球

打咗一陣就去咗篤波

跟著,去埋黃埔

唔知點解,不知不覺我又到了海旁

連續幾天,我到了很多不同既海旁

每一次,我都會慢慢地行,感受一下海風

行海旁可能已經慢慢變成我既習慣

每一次行既時候,我都會諗住同一樣野

每一次我都會有同一個想法

呢個想法可能係我既願望

唔知道,呢個願望幾時可以實現呢??

晚上大約10點,我去咗對面海行

我同老細兩個人沿著海邊行咗一陣

行到去公共碼頭,就坐咗一陣

係個度,一邊傾計,一邊吹風

因為今日係星期日,所以都冇咩人

坐咗係個度成半個鍾

望住個海,又睇下周圍既景色

我感受到何謂寧靜

原來快樂可以係咁簡單

雖然唔係D咩野活動,但係感受一下寧靜,都幾舒服....

凌晨12點28分

今晚,一個寧靜的晚上

冇任何既聲音,冇任何既煩擾

唔知點解,今晚好多人都早訓哂

而我就想過返好似暑假既夜晚,每一晚都同你傾計

雖然唔係咩特別野,但係都可以傾得好耐

個時,每日都期待住夜晚既來臨

每日,都想同你暢所欲言

可惜,時間係會令人改變

而家,12點35分

好多人都已經訓咗,而我就想重拾當日既快樂

我知道係冇可能,所以唯有

係呢個寧靜晚上,我唯有靠著回憶，去嘗試找尋當日

而家，我明白到，所有既改變都係人生必經既階段

所以，我唔會特意回到過去

因為，時間係唔會等待人，

每一分鐘，每一秒

我地都要好好珍惜

只要覺得呢一秒過得有意義，咁就足夠

今日1點先起身,跟住就即刻出咗街

原本諗住去TST,點知改咗去紅磡

去到篤咗波,爆咗史上RECORD!!差唔多有200幾度

因為我地兩個D球技真係出神入化

之後,去咗黃埔,兩條友(霧)險樂園KAI咗成個鍾

玩完,行咗一陣,就去咗海邊

睇住個海,周圍又靜哂,成個人都鬆哂

望住個天,又諗野,

呢個時候,真係想身邊的人變成係你

跟住,又諗咗好多好多問題

坐咗一陣,佢就叫我起身行

我地去到第二度坐,一邊坐,一邊唱歌

我發覺呢個時候,咩野都唔使諗,唔使煩,咁先係最舒服!!

跟住,沿住海旁行,D KAI野又黎啦

我同佢兩個,係度扮鬧交,超大聲!!

跟住行行下,有個籃球場,我地就打咗一陣,之後就走咗LU