| «‹ June 2017 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
|
2011 年 10 月 21 日 星期五  |
| 【ANNA SUI甲油】大熱顏色：Barbie Pink！！好幸運啊∼∼ |
分類: 未分類 |
上兩個星期去左令人有D失望既IMORE既百人團(按舊文), 得到幾樣既試用, 現在要出ANNA SUI的甲油試用文了啊!
其實開頭Marilyna以為可以自己選顏色, 所以一心想要紅色甲油(^v^), 點知原來冇得選...(少少意見:如果下次都有類似既試用希望有得選la) 
咁好la, 算, 咁求神拜佛希望佢唔好係d奇怪色. 一打開, wowow~~~ 係好popular既barbie pink顏色呀.!!
佢又唔會話係個種kawaii到爆既粉紅色, 係桃紅色. 總之, 總之就係barbie最中意既barbie pink(３７０)啦!!
基本上, 支甲油都唔會話好難control, 個掃頭大細都適中, 連我li個唔搽指甲油既人都搽得幾好(只限右手搽左手)... 但唯1可以改進既就係, 個掃頭好短, 比其他牌子既甲油冇咁好搽, 長返D好.
其實個人認為li支指甲油搽1層就夠, 因為我以我以往既經驗去搽左2層, 點知效果出黎係。。好厚..
而且佢都乾得幾快, 搽完第5隻手指, 第1隻已經乾左.
而且佢個持久度都幾高, 你唔多手刮佢, 佢都last到幾耐, 但因為我就係好易手痕既個種人.
仲有一個好特別既野就佢, 佢有香味, 甜甜地既香味, 但都係唔建議係咁閒, 因為佢係用d好濃既香味意圖蓋過指甲油既化學味, 所以出黎個味係濃上加濃, 我聞左30秒左右頭有d暈, 所以都係唔好聞咁多..!
而anna sui li支最新既指甲油售價係$128, 如果講佢係anna sui既牌子, 佢唔算貴, 因為anna sui d野不嬲都貴開, 但如果同市面上既指甲油黎講, 佢就算係幾貴la, 因為佢講真佢既級數又未去到chanel, OPI.
最後鳴謝ANNA SUI品牌提供華麗指甲油乙支作試用用途
|
| 2011 年 10 月 20 日 星期四 |
| ❤連我''愛人''都推薦既野，實係得既❤ 我要向雞蛋肌進發！ |
分類: 未分類 |
❤Marilyna的電郵❤: [email protected]
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次好開心被邀請試用既暗瘡三部曲,marilyna係網上查到好多資料，原來佢係外國係一個好大好老既品牌，上youtube仲揾到好多對個牌子既reveiws!所以marilyna一收到哩個牌子既試用就已經好有信心！
上到官網先發現原來我愛人Justin Bieber係代言人, 突然有種受寵若驚既感覺, 好開心有咁既機會呀!
睇下睇下!! 我偶像都用呀!!
http://www.youtube.com/watch?v=hyET522rKMA (救命, 唔識直接貼youtube片)
睇完段片, 我對li個品牌完全係信心爆燈! 冇暗瘡既我, 照用!
好窩心既係成個brand比人感覺好細心, 有本幾厚既天書講解暗瘡d不為人知既小知識. 又有隻碟睇, 你會覺得佢好有心囉, 唔係其奇出產品, 係真心體貼顧客!
Facial cleaner
佢支洗臉好特別，因為通常比油性或暗瘡性皮膚既洗臉都係勁多泡， 驚死你皮膚洗完吾夠乾，但每次洗完li d泡沫咁豐富既洗面都會好快再出油， 因為你既油性皮膚已經乾上加乾！
佢個質地係lotion狀， 但最得意係佢入面竟然有d好幼既磨沙粒子， 唔會今你皮膚乾仲可以利用磨沙去清走你皮膚上既死皮+多餘油脂。
Toner
個爽膚水仲正！因為大家都知不嬲既去暗瘡爽膚水都主要係殺菌， 所以都比較乾同刺激，但哩支爽膚水完全扭曲大家既思想， 佢竟然同某d好貴既高級護膚水既質地極相似，都係有d gel gel地既感覺，用綿花搽係有種好滑溜既感覺，好舒服。 但佢都同時有消炎功能，所以搽完1分鐘後會有d拮拮地既感覺. ps. marilyna塊面估唔到咁污漕... 嚇親... 
Lotion
個lotion好中意，因為個texture好似clinique個gel，但我覺得proactiv哩個保濕好多，但又好清爽，訓覺既時候，好似有塊膜保護住你塊面，用過你就明。
唔好意思, 因為marilyna本身冇暗瘡, 用左成套, 皮膚冇咁油, 但效果一定冇有暗瘡既sis們咁明顯.
所以轉左1張外國blogger既試用圖, 係真人真事, 寫明冇PS冇隱瞞!
Sis, 如果你係個種試過好多方法，好多牌子都吾得既暗瘡皮膚， 吾爭在試埋哩個，我相信一個係外國幫左咁多人既brand， 都一樣可以幫到你！ 最後, 好開心個3-steps入面竟然有個surprise, 就係登登登登, JB poster一張! wow~~
後記: marilyna之係買左兩套比舅母同表弟，相信佢地多年既暗瘡問題都可以比proactiv解決到!
推一推薦, 留一留言, 我會更努力啊~
------------------------------------------------------------------------------------------------------------------------------------
|
| ❤豆皮面 .變. 瓷娃娃❤ 搽完粉皮膚真係好似雞蛋咁, 睇到我O哂咀! 超勁呀![轉] |
分類: 未分類 |
Marilyna的電郵: [email protected]
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
岩岩又無聊係度上網睇妝文, 睇到1個SIS化妝超勁... 睇到o哂, 真係達人!
因為marilyna自己本身既搽粉底技術好爛, 見到達人化底妝, 忍唔住想同sis們分享~
大家黎睇下! 有冇sis都可以分享下點先化得令個底?
原本佢塊面都算多痘同印, 而且油性皮膚, 都幾反光. 膚況唔算好好.
搽完妝前乳之後, 膚色已經均勻左好多, 白左同印少左..
搽埋粉底, 睇到呆左, 好靚既皮膚, 好自然!
最重要d印呀, 暗瘡呀, 毛孔呀, 冇哂!! 係冇哂!!
加埋個blush,大功告成. 好滑呀塊面, 完全係完美無瑕! 我真係要拜佢做達人!!
有冇sis都識化得咁自然咁完美呀?
推一推薦, 留一留言, 我會更努力啊~
------------------------------------------------------------------------------------------------------------------------------------
【生日文】＄７０就去到海洋公園，25折仲玩足成日! 抵到爛!
|
| 2011 年 10 月 18 日 星期二 |
| 【Sis們注意!】入黎睇下自己有冇li D特徵? 係都市病黎嫁!! 唔理手尾好長! |
分類: 未分類 |
Marilyna的電郵: [email protected]
------------------------------------------------------------------
唉, 事緣Marilyna覺得自己身體越黎越差, 個身同面越黎越腫!
訓教又成日訓得唔好, 起身覺得成晚都係度發緊夢, 完全都冇休息到, 黑眼圈就越黎越大, 成日做野都好冇精神, 好支力...
所以最後去左睇中醫...
去到診所check左部穴位機, 醫生竟然話marilyna個身體好差, 雖然表面睇唔到, 但身體其實已經透支緊未來既quota, 再唔攪返好佢, 老左會好麻煩.. 因為其實我得18,9歲, 身體年齡已經係廿幾... 講下我身體有幾差..
肝差: marilyna個肝差係因為好多年黎都冇食餐, 從來都唔覺得係一回事, 但原來唔食早餐係好傷肺, 胃,腦!! 另外夜晚11-1點係養肝時間, 但由中學開始我就已經12點幾1點先訓, 所以個肝根本咁多年都冇休息過, 再加上因為而家做左野, lunch都係出街食, 而我又好衰, 成日都中意食濃味野, 姐係味精多... 攪到個肝又要係咁解我食既毒..
腎差: 都係因為marilyna中意食濃味野而出事... 個腎唔好所以個毒素多, 黑眼圈就自然大...
肺差: 極少做運動, 只係有時係追巴士個時會跑兩步, 所以肺容量極少, 行兩步樓梯都喘氣, 長期係咁, 個腦就唔夠氧氣, 就會好易支力名冇精神...
胃差: 因為長期冇食早餐, 食野又唔定時, 攪到個胃唔係咁好, 好彩我都冇胃痛... 但醫生話食野時間唔可以再咁亂!
腦差: 醫生話marilyna成日都諗好多野, 有少少神經衰弱, 所以夜晚會成日發夢, 叫我放鬆d, 做野唔好咁緊張...
其實針個時都有少少緊張, 因為未試過, 但其實係有少少痛, 係個種拮一拮就冇左.
頭4針! 頭係最唔痛, 因為頭少肉, 又硬.
手3針, 睇住佢插入去, 有d痛但仲ok.
腳10幾針 大脾個針真係堅痛, 個度最多肉嫁嘛~~
我覺得針完成個人鬆d, 冇咁緊, 而且我覺得當晚訓教舒服左!! 第2日起身都精神好多! 不過個人黎講, 長遠都係調整返個生活習慣, 唔好再唔食早餐同咁夜訓! 醫生話我咁細個, 好快就可以攪返好, 因為25歲前, 我地身體都仲識得自己製造Q10, Q10係用黎自我復完, 但過左25歲就會難好多... 所以SIS們你地都要小心自己身體呀! 好多時D都市病都係咁熬出黎嫁...
推一推薦, 留一留言, 我會更努力啊~
------------------------------------------------------------------------------------------------------------------------------------
【生日文】＄７０就去到海洋公園，25折仲玩足成日! 抵到爛!
|
| 2011 年 10 月 17 日 星期一 |
| 【生日文】＄７０就去到海洋公園，25折仲玩足成日! 抵到爛! |
分類: 未分類 |
Marilyna的電郵: [email protected]
------------------------------------------------------------------
好開心呀, 係10月12日, 我終於19歲LA!! 但係因為LI幾日都唔得閒, 所以攪到星期日先打文..
Anyway, 真係好多謝我既好朋友Lourdes同我慶祝生日, 攪到f.7都要逃學1天同我慶祝... thanks so much!!
但最開心係, 我地兩個人去OP, 1人都只係原價$280既25折$70! 點解? 因為...
盛智文說盛智文說：「海洋公園一直以為所有人締造美好的時刻為己任。於2006年，我們決定為讓全港七百多萬市民每年可於生日當天免費到海洋公園遊玩。我們也樂意擴大優惠，在2011年9月1日至2012年8月31日期間，生日的市民更可為一位同伴購買票價半價優惠。」Reference: http://www.oceanpark.com.hk/html/tc/footer/corporate-information/press/press.php?id=502
哈哈, 真係抵到爛!! 我地個日真係玩得好開心, 由11點玩到6點幾, 雖然開頭有落雨, 但係都玩哂D機動遊戲(除左跳樓機, 因為朋友驚, Marilyna又唔夠膽自己1個玩, 所以最後都冇玩到, 有冇sis玩過可以分享下?), D 館又睇哂, 仲見到好多國際學校學生去玩.. 好la, 等我show下相先!!
marilyna 同fd fd lourdes! 以前大家都因為要讀書, 所以都冇正式慶祝過生日, 今次可以話係第1次慶祝, 真係好開心!! PS. d halloween頭cool真係好靚好得意!!
見到好多好得意既外國BB, 真係好CUTE呀. 佢呀爸呀媽都唔理佢, 由得佢赤腳周圍行, 真係同中國家庭好唔同..
我覺得li個女仔好似Amanda S.呀, 有冇SIS認同呀? 佢好攪笑, 我本身係諗住偷拍佢, 點知佢勁乖企定定比我影, 佢媽咪叫佢行都唔理, 要等我影埋先... 如果我第時都有個MIX既女你話幾好呢~~
Marilyna係海洋館度同海星合照 但知點解d海星都唔多有反應, 成舊硬哂 ,好似死死地咁...
marilyna同fd fd lourdes 紋左個友情tattoo, 真係好靚, 不過係假嫁, 係op $30 紋1個, 話可以keep到1星期-1個月, 但marilyna而家幾日都已經甩得77 88
最後我地係好餓同好支力既情況下,去左mk打邊爐, 1個人$128, 但講真, 唔係咁好食, 以後都唔會再去打邊爐..!
多謝sis們收睇!
如果SIS們生日諗唔到去邊度都可以去OP玩玩, 佢地而家擴緊, 將會多好多機動遊戲, 而且今年年頭先開既海洋世界都多左好多野睇!
推一推薦, 留一留言, 我會更努力啊~
【19歲前夕特輯】免費試用品大總結 - 再見，我可愛的１８歲∼
|
« | 2 | 3 | 4 | 5 | 6 | 7 | 8 | 9 | 10 | 11 | »
|
