返左大陸幾日『琴』日終於返來啦！唉！係大陸真係好似係個焗爐咁，好熱！係

廣州成36度，有個記者將隻雞蛋放在條路旁邊，幾個字隻蛋都烈開，同埋D蛋白都

熟左。可想而之係幾熱。出街又熱，又要留係屋企，悶到死，剩係打PSP，好悶！

到左29號，可以去戲院睇戲，我今並次當然係睇關於三國的『赤壁』。一開始就

講劉備係新野大敗，然後就講趙雲救劉禪，最尾講兩邊準備激戰，真係好似真係

歷史時代咁，好激烈。但又要幾個月先有得上映，好期待。然後去左我表哥屋

企。返到去幾日真係超熱，仲唔知點解部冷氣機已經加左雪種都唔係好凍，都算

係降到溫。係大陸我只係望一樣野來，你地估下係咩？你地都應該估唔到，就係

颱風『鳳凰』。因為大陸熱，又唔落雨，希望『鳳凰』來到可以涼D，但係佢又唔

來，等到我臨走去我姑母果日先之落雨，同有些風。玩野啊！我去到我姑母果到

想用電腦上網，又點知因為之前果日有雷打中左條線路，唔係啊！個天玩完我又

玩！唉！又熱又悶，仲要夜晚10點幾時停電，熱到.........出左門口坐。出到去仲搞

笑，有個人係到打緊機，部機咩牌子就唔知，佢開到鬼死咁大聲，我又打緊PSP，

見佢咁大聲我就整大聲D，果個人見我整大聲左又整大聲。佢係要大聲過我，咁我

就拎我部手機出來，播左「農夫」首『舉高隻手』，播到第五聲（第七最大），

真係播嘈到好大聲，果個人望住我，我隔離D親戚用隻手...住對耳（你地應該知這

個意思）。點知果個人入屋拎部唔知咩，播到最大聲，係都要大聲過我。咁多

位，你地有冇過D咁無聊的人，大聲都要大聲過人。我都冇理佢，個喇叭太大聲好

容易沙聲，我都唔同個無聊友係到傻。無聊都同過細過佢咁多的人鬥。佢都『拾

下拾下』。住左一晚就撘車返香港。