9月12號，我地學校舉行一個日營，係去鯉魚門度假村，只係中一先

可以去。未去之前，係學校話要整個班號同口號，全組都冇人做，得

我一個整口號，搞到全班要等我地哩組。去到目的地，係個禮堂玩D

勁無聊的遊戲，我一個都無玩，只係企。然後要玩個搵野的遊戲，個

社工比張相我地組，叫我地去搵張相的物體係邊到。張相係椰子樹，

全場得一個地方有椰子樹，唔駛30秒就搵到，真係好睇少我地，比張

咁容易搵的比我地。然後又要用報紙整一個好高的高塔，我都係冇

玩，整塌左又賴你。有個社工問左我一個IQ題：有一隻獅子要同keroro小隊5個人

打架，但唔知點解獅子一定要「中」（打）keroro先，個答案關於一個童話故事，

4個字，在迪士尼播過。然後再去食飯。食完又要行返個斜眼上去，我之

從有一次行完  香港  炮台山  的斜坡同埋唔知在  香港 邊到的長命

梯，我都話哩兩個係行得最吃力的山路，點知哩個斜坡，比炮台山的

斜坡仲斜，真係行到好吃力，我到成日去獅子山沿住樓梯跑上去，係

跑上去練氣，我係跑山，唔係行山，可想而之哩個斜坡幾斜。去同人

打左一陣籃球，因為天氣太熱唔玩，去左個我未玩過的射箭場。雖然

個場地係室內唔係室外，個離個箭靶都有8米多。

第一次試射唔知係唔係唔識將弓放在邊個位置，唔識點

描準個靶，同未試過張弓有幾重，原來都有成5、6公斤，都幾重。仲

有原來我拉弓唔夠大力，所以第一次有4枝箭都唔中個靶。第二次我

知都點樣描準同熟悉左弓的重量，同要拉弓要大力D，所以第一枝我

中左個紅色圈的位置（黃色圈最細，然後紅、藍、黑、白），都唔

錯，第二枝我用盡全力，同描準好耐，居然比我中左黃色，連第三枝

箭都中左黃色。唔知點解我覺得射箭好好玩，愈玩愈想玩，我好enjoy

射箭的過和，同拿住張弓覺得好似比平時唔同，好似型左咁（唔係

話自己型），只係feel，覺得型左。第四次射我個勁，每一個顏色有兩個圈，黃色（黃色個圈最細）都有兩個圈，一個大小，我居然正中

最細黃色個圈，正中中間，變左做「中射手」，然後三枝都中黃色兩

個圈。我射左一個鐘，因為好少人玩，得3、4個，所以我玩完又玩，

其他都有時中黃色，其他出面的靶最細係個兩個圈係紅色，但哩個靶係黃色圈最細，張朗淇仲欠我幾十元，因為佢話我中黃色比5$我，我

中左唔多，欠我好多！講笑姐，邊到真係要你！就咁玩射箭，玩到夠

鐘要撘車返去。今日最開心係可以射箭。