今朝又係返早...8點15...準時返到課室...

等到古sir黎到點名之後..我又出左去買早餐食嚕...

今日d時間過得勁快 = = 可能係打機既關係話咁快就放學啦....

應成左哈尼話買飯落去比佢食...所以放學搭車去吉之島整少少野就買飯落去嚕...

食飽抖左陣...去左見哈尼玩板....有幾次差d發左癲...哈哈

等佢玩完之後...就去左跑步啦~我今次叻左...唔洗跑條直路抖幾次

可能今次跑得慢...慢慢黎都算ok....不過每次都係跑2個圈就算始終我都仲未夠氣跟哈尼佢地跑咁耐...

所以我跑完2個圈就自己慢慢行番去....等哈尼跑完步返黎我地仲走左去落水

真係未試過2月尾可以落去玩水 = = 不過d水真係好凍....我慢慢行去到腰就已經要stop...頂唔順....

跟住去沖涼執埋d野就閃人嚕....

今日返8點半....但好眼訓....尋日唔知點解訓唔著

返到學校...第一時間就係抽簽...因為今日測驗要分組....

到阿堯抽簽既時候...大家係咁講唔好同佢一組其實都幾好笑...阿堯而家真係比成班人排斥咁濟..

但係佢竟然抽到同堅文一組OH MY GOD!!!我都好想同堅文一組...但係有阿堯係到...又唔係好想

結果.....我真係抽到同佢地一組...=.=....於是我即刻同阿堯講...叫阿堯今日剩係負責洗碗算了...

因為佢真係污穢到不能再污穢......今日我地整芝士條同麥酥皮....要11點半交到個製成品比MISS...

好彩時間岩岩夠....不過個芝士條D油唔係好出得哂囉總括黎講都算OK掛...

放左學之後同阿祺個D去左食LUNCH...哈哈...一路食一路講事非...勁好笑....

我仲同卡通人講話唸到今日個BLOG可以打咩食飽飯之後佢地就去踩單車...

我就去吉之島買禮物同生果返屋企裝飾蛋糕~咁樣行一行....又洗左我5百幾蚊....因為自己抽雞買左條褲

返到屋企3點幾....好累...抖左陣就發覺自己無買到藍莓點解會咁架!!!唯有等哈尼返黎既時候先再去買啦~

就咁整住D士多啤梨落個蛋糕到...硬係覺得睇落個樣怪怪地....=.=....我哈尼話好似一堆石

不過算啦...好食就算數...哈哈...搞掂好哂就出發去燒野食.....唸落好耐冇燒過野食啦

而家呢d天氣燒野食都ok...起碼冇蚊 = = 又唔會熱到出哂汗....我好鬼怕有野咬個身又臭....

燒到差唔多1點就走啦...因為第日仲要返學....所以費事玩到咁晏....

返到屋企整好d野都差唔多2點先訓....已經唸到聽日會有幾眼訓

今日好好訓...一訓醒已經12點幾...好滿足喔

訓醒冇耐就打比媽咪..同佢講我會返山景整蛋糕...因為應成左個bb....26號要送個生日蛋糕比佢~

之前唸住係屋企整...但係我竟然大頭蝦到...叫阿媽拎漏左好多野比我..eg...磅...膠括等等...

返到山景約阿媽食野...食飽都差唔多2點啦...今次我整朱古力慕士蛋糕...其實呢個餅係雪得耐者...就咁整..都係整左1粒鐘...

之前好驚個蛋糕唔會硬因為見魚膠粉落得唔多...個樣又好鬼水喎....好彩結果都冇事

到5點幾哈尼黎接我返屋企嚕~返到屋企擺低d野就陪佢落街剪頭髮順便買零食....買左一大袋

返到屋企食飽飯既時候...忽然間醒起...我條圍新好似冇洗點算!!聽日就西餅測驗....

結果決定....將條圍新反轉黎著..哈哈....希望聽日冇比人發覺吧

尋晚唔知做乜鬼訓唔著 = = ...成1點幾都係張床到碌黎碌去...

今朝仲要返早...踩成日...不過好彩今日整西餅既時間過得好快..

d咖哩角勁好食...不過個蘋果批就真係麻麻...可能我好抗拒肉桂粉個陣咪

捱住肚餓等到放lunch...即刻買大排檔返學校食...

今日嗌左個鮮茄豬排飯...平時我都唔係好食...但係佢其他野我更加唔會食..

所以食左半盒飯就算嚕....之後上普通話堂....大獲....遊魂都唔知做左D乜....

跟住上人際堂...BILLY今日教情緒呢樣野....所以我決定連機都唔打...聽佢講

因為我自己本身都知道...我係一個幾難控制到情緒既人...一但有咩唔開心...我就會好快咁爆出黎...

係自制方面既能力係差到極點....我唔想因為自己情緒而影響到其他人....

亦都唔想因為自己EQ低而成日同"佢"鬧交...咁樣會好辛苦的...

希望我真係能夠改到我的情緒吧!!!!

由於尋日太累既關係....我一訓就訓到今日既12點

其實仲未訓夠..好想再訓...不過要返學..無辦法一定要起身

返到學校第一時間就係叫阿sir點名,..跟住同小蒲個d出左去買飯食...

今日大排檔有我最鐘意食既揚州炒飯...

食飽飽就繼續打機同佢地班人練過..呵呵...

不過之後上中文堂就冇得打啦波sir話如果繼續打既就連nds都收....

結果咪唯有乖乖地聽佢講書...讀正音..哈哈....不過都勁多搞笑野..."力不從心".."下了鍋的麵條"...