今朝11點幾就起左身...個人呆下呆下完全唔知想點...

又無胃口食野...原本唸住整個蛋糕比阿媽~但係無心情落街買野.....sorry喔媽媽....

約左阿媽7點鐘係天悅打邊爐...結果成7點半先落到去..

打到10點就返屋企啦...12點我已經頂唔住睡魔急call...昏迷左....

唉...忽然間覺得自己好樣衰...

點解我要咁樣做......唉!!

 【看似剛強實質小女子...即管揭穿我諷刺我豪無大志】

今日訓到11點幾先起身~都算OK...

今日要入天水圍參加我表弟既M記生日會...不過佢開5點半...可以唔洗咁早過去...

起身食完野就打左陣機...跟住就沖涼換衫化妝...

約左屋企人4點45係西鐵站等...無遲到~時間岩岩好...仲比我地預期中早到天水圍...

去到第一時間就緊係嗌野食啦...

我總共嗌左: 1個雙層芝士孖寶餐+魚柳包+脆香雞翼+麥樂雞+麥旋風+凍檸茶.

睇落好似嗌左好多 = = 但係實質原來真係得好少野~到最後我仲打包左2個雙層芝士孖寶包+魚柳包+雞翼上阿姨屋企到食~

上到姨仔都預左打牌架啦~不過見表姐係到..叫佢幫我執下個妝...執執下我個表妹見到又想執...到最後我阿姨又執....

執完我地4個女人仔係到玩港女式自拍...37面..O咀..發哂姣咁..勁好笑

完全無唸過...咁樣都玩左2個鐘 =.=....搞到另外D人係到等我地打麻雀,,哈哈

打到朝頭早6點幾...就係姨仔屋企走啦...

臨走個陣發生左件唔開心既事...唉...

我只不過唔記得左有件褸要拎走者...你洗唔洗係咁多人面前講句咁既野?平時呢句野我唔介意得我地2個人既時候你咁講~

但係O係我屋企人面前...你可唔可以唔講呀?

返到屋企6點幾...其實我好累好眼訓...但係唔想訓...結果朝頭早8點先訓.....

唉...好想返學...一返學就唔會有咁多麻煩野同唔開心野出現

今日返到學校....知道自己英文份卷竟然得40分

不過好彩...計計埋埋都有53分係手...即係合左格...

跟住上數學堂..miss講project既野...我就掛住同後面死過玩俄羅斯

miss早左3個字放學...我就同班同學仔去左食車仔麵....食完就同佢地去碌ling

我見阿祺同阿禮輸賭玩得咁開心...我又玩埋一份....起初玩第一局輸比阿禮....點知比我連嬴3局

到最後阿禮爭我2罐汽水..呵呵...真係多謝阿禮

碌完ling都2點零....跟住又要搭車去山景嚕...應成左阿媽陪佢食野....

聽日終於放假啦....不過要去天水圍參加我表弟既m記生日會...我應該會連早餐都唔食..去到食餐飽...

好...又夠鐘去訓啦...早抖嚕

我終於開到個blog啦...

但由於時間既關係...我已經夠鐘要去訓...第日仲要早

所以...本小姐決定今日既野唔打...

聽日先再打過...早抖嚕!!!