今朝比個舊電話格硬嘈醒左，但明明熄左機+無插卡+無set到

起身７點幾........如果唔係今次咁神奇我諗我遲硬到=_=''

朝早又遇到同一個小學同學，明明幾年無見過佢近排係咁見到

嗯，又無實現到，遇左

返到學校先知中文百幾個詞語未抄　囧

結果用哂一個小息+兩堂數+半堂中文先抄完，手殘

好耐無打波，一打發覺臂力差左，打唔夠１０分鍾隻本身抽筋既手就差唔多無哂力

睇泥我要做返多d運動.........

Lunch帶隊去食飯，成隊人搞到要分開坐

嗯，無同條友講野，都係介懷於之前個眼神

可能我太敏感？Ｓorry有哂證據，人地要唔當我係朋友咁我理佢做咩？

已經懶得再整返好d關係，讓左咁多次次次主動，我都唔想再搞笑

反正我做得再多對我既睇法都係唔會變，笑

今次死心得比之前更徹底，不過可能過兩日我又會不自覺地搞返好？


其實真係唔明點解旁人要將責任推咩係佢身上，

邊有殺左人怪間鋪頭賣刀？係就有一部分責任但計返比例真係低好多好多倍

點解要將所有錯都推落佢身上？如果唔係老友鬼鬼既話真係想講返聲串

盲目地偏幫真係有意思？係條友要壞關人地咩事？

又唔見其他人同我又係咁？笑


可能我有「聖誕前憂鬱症」？

星期六返學校，慘

返到去補數補到一半走人，勁似返去食完野走，笑

之後落樓CYC集合，基本上落到去望兩望都知咩事

嗯，估中左，唔出奇，怪怪地

上到車開左窗，唔洗一分鍾就涷到頭痛(11-12度)

去到沙灘

嗯，條友好自然就完全唔理我地走去做覺得值得既野，預左

但我又想問我玩又關你咩事？動手動腳又擺個我唔應該存在世上既眼神出泥，笑

又係望對眼睇穿哂，真係好膚淺，為左咁而比個咁既眼神我睇，你唔重視你鍾意，笑

去到吹海風，但都係除左件外套

嗯，我無咁得閒懶係型，只係想比風吹下，冷靜下

唔想咁火，無謂令其他人唔開心，笑

過多陣BBQ，笑左

明明已經離棄左我地，點知無佢既空間既時候又過泥埋堆，

係你自己要離棄我地既，笑

咁就唔該唔好返過泥，走回頭路無咁易

上到車一個人坐，開大左窗

嗯，有風吹可以快ｄ乾，吹吹下都慢慢冷漠落泥

但最後都係比昕佢地見到，勁柒=_="

火完之後都係會唔開心既

之後就去左打機

嗯，打機的確可以忘記唔開心，但打完之後反而更lonely

夜晚慢慢行返屋企，中途諗左好多

嗯，慢慢明點解今日咁down

聽日時間咁長咁得閒點算.....

無啦啦脫皮，勁樣衰

行緊返去個時已經小小介意，好彩未比人笑住

返到去拿拿聲搵返個口罩扮病

幾堂恰眼訓同食野都無老師理我．．．GJ!

下就上堂重正，數學堂自由出位吹水，BAFS訓覺

慢慢變懶XDDDDD

琴日傾完之後真係"開"左好多，

好多之前唔開心既野都只係無奈地笑笑口就當無事

以為完全做到淡泊既狀態........

咩動作咩說話都可以話係唔多影響到我，但無諗過眼神讀到既信息一下可以打穿

「破防+追加已0化傷害+持續燃燒效果」

嗯，我諗我離淡泊重有一段距離

要放低，好難



過去既事就過左，我都唔想再談及半句，

當初係你選擇要背叛我既，第日同你當面講返你都可以扮哂無事咁

ok由個時開始就無當過你係人類，點解今日要舊事重提？

扮可憐？經歷左咁多野我重上當你當我個腦真係裝草既？

扮誠意？唔該唔好拎書面語泥扮野，係我面前你既程度只係一個幼稚園低班

扮後悔？有心既當日你就已經會承認.......咁既招數小學已經背到熟哂

提起勇氣?根本就係你一個親信都無，無人信你你先會泥搵我做工具

不想問心有愧？sorry我唔會對背叛我既人留半點面子，假就係假

放心，對你依種狗人我一定會捉住你把柄一下子滅左你

照下鏡先泥同我講野唔該，寫滿左個假字：）

欺騙我的，請自受代價，

即使我只是個小角色，也能夠把你一下打落深谷

不要讓我捉到任何一個大的把柄：）

神早樓樓起身做運動，成身熱哂以為今日好暖

點知落到樓下涷到小小震　囧

好彩一向習慣好快就適應左（比某條話我係冷血生物XDDDD）

返到學校不斷咁計.....當然唔係溫書咁乖

上頭兩堂就勁攰........可能朝早真應該訓耐d唔好用咁多體力=_=''


你真係令我好失望

竟然做到咁既地步，重要關心都咁講野，笑

沉醉於幻想既溫柔之中真係咁開心？

問你竟然扮聽唔到唔答我，笑

但你記住：「我以後唔會再提醒你半句，都完全唔會再因為朋友身份而在意
　　　　　　係你所做出泥既野同眼神迫我咁做既」

真係唔太好受，千次萬次擔心既提醒換泥今日咁既廢人，覺得自己對你既信心好on8+1

成個Lunch都同兄弟傾，發覺我地兩個其實本質上真係好似......

再傾，發覺原來自己不知不覺地已經明得太多唔應該e個年齡明既道理.......

回頭睇返，當初令distance愈泥愈遠既決定，今日睇返反而可能係岩既

可能唔放手真係唔會得到另一d野?對自己個時既決定係傾完之後終於解結

畢竟兩條路我都可以得到不同既快樂，無話岩定錯：

甘心做狗，可以維持日漸變質既關係，都可以係自己既幻想中得到快樂

作出突破，以一切換取0.01%機率既可能性


嗯，簡左賭依微乎其微既機會，賭輸左，的確好唔開心

但都因為咁懂得珍惜大部分身邊平淡，即使無都可以得到身邊人既關愛，我已滿足

雖然有時會諗如果有埋就好，但見到活生生一個無朋友既例子就明哂


嗯，如果我個時簡另一條路，我諗我應該恥笑緊藍字既自己，

恥笑只明事理而得唔到任何野，


但真係無諗過你會簡條咁既路，再三計算都係估唔哂人心，笑

係我真係太高估自己？定係我對你唔夠了解？

經過今次真係好攰.........為朋友精心計算卻換泥咁既結果，

點解兄弟同朋友只係差一步，可以差咁遠？

可能......我妄想改變朋友既想法真係太幼稚.

不過我諗一定有人覺得我扮野懶偉大，笑
---------------

放學係咁講笑，慢慢放低左今日既事

涷+無外套重走去食ice cream..........會唔會變態左少少=_=''

但食完竟然重暖d.........完全違背phy law XD

琴晚轉左房訓，訓得好差

吹正風位..........涷醒左4次，重要次次想拎手機睇幾點都要做危險動作

好彩隻手夠長.......如果唔係睇一睇時間都要行上行落

返到學校一笑而之

一係個位起身個時開始就頭暈暈，

間斷地短暫休克左幾次..........唔知咩事

之前最多只係長期唔夠訓先會咁.........身體依兩年開始慢慢變差.....

會唔會係依兩年發生既轉變太快我適應唔到?我諗有一部分應該係咁



今日時間過得好慢．．．成個朝早勁難頂

Lunch我諗我又做左傻事，真係事先估唔到我會做d咁既野

諗返真係唔多明點解個時會咁，比人知道一定又話我

諗起某人某句明言：「背後做咁多野，點解你自己唔試下做個個？」

嗯，當日聽完e句試左好耐，我諗我真係唔岩做

畢竟有d事唔係努力就可以改變既：）

就係咁就所以背後默默推動有能力帶來既人？：）

我諗連個人都唔會明點解我依排反應咁激烈，

可能係聽完佢講又顧朋友做唔出？：）咁姐係又係重面子？

次次諗返自己做既事都會覺得好可悲，哈

次次諗到依度都會為自己既無用而難過凝淚，笑


我再堅強都係會累積成塔既唔開心埋沒既，更何況我恨本唔算....

之前都未試過真心做d咁既野，我諗今次可能算係留下遺言？笑


「無論再用心堆砌的塔，無論再珍貴的材料，
　也會被時間和風雨浸蝕，留下一個搖搖欲墜的身影，
　然後慢慢的倒下、消失，再不能立於泥濘之中

　也許應把殘塔移平，慢慢的再建造一次？
　」