朝早返學，落到屋企樓下遇到兩個小學同學.......

果然女大18變，瘦左又令左好多bor~

不過因為咁見到停左幾秒先認到係邊個=_=''

比人話我咁多年泥都係無咩變，童真常在ＸＤＸＤＸＤ

返到學校又係做作文.........唔知幾時開始習慣哂神咁早起身先做功課

算唔算係為功課做起身既好學生?

發覺心照同講出口真係差好遠.........

第一個小息個時，死魚竟然講左我心聲出泥　囧

就算得我地兩個你都唔洗咁呀衰仔(絕對唔係咩基佬示愛)，

搞到我勁唔好意思勁怕羞lor.........結果直接「玩」佢「玩」左成個小息(姐係sm)

本身以為今個星期控制到點知又比佢一句搞到成個英文堂都不在狀態 囧

死魚我恨你!!!!!!!!!(淚)

比條死仔句野影響左，今日唔知咩事又變返之前咁.......shit

 

又到左每個星期最忙個日

朝早起身作文........做唔哂諗住拎返去慢慢做

返到屋企.....Bingo

果然連我自己都完全接受唔到既頭會比人笑，都唔知好嬲定好笑

本身天生樣衰ｅ家個頭重要柒埋，就好似垃圾without垃圾袋咁XD

不過講真都神早估到邊個會係咁講我壞話.........過左陣就習慣左

不過個頭真係好好7=_=

返到去問人先知我作錯位，抄返落張紙度差趕唔切




唔明，真係唔明

口口聲聲話人地係朋友背後講人閒話都唔止重要不停醜化佢，抵你無朋友要過泥扮有朋友

之後又企圖佔我兄弟便宜當佢水魚........家陣你話熟就熟?明明根本唔想理你重笑笑口想格硬泥

係要我出面講到明先收手?講真我都會問清問楚先做，你邊位？無朋友唔好係度扮熟

真係去到打打殺殺我係理唔到但你條友恰我兄弟我絕對有資格阻止

真係唔想下下用武力壓人ｌｏｒ，有幾可見我真係動火咁講野？

真係見到火到泥埋



Lunch之後上數學堂，趙sir終於返泥，全班靜哂

真係好唔鍾意咁既場面，太凝重

短短幾分鍾講左幾次對唔住........

見到趙sir自責到好幾次.......

我諗個個都唔鍾意見到身邊既人唔開心

重要可能隨時教教下就失聲都教落去..........個刻睇野有少少花

之後今堂好認真咁自學..........邊度搵咁好既老師.........

想補課都唔忍心(唔止我一個)

嗯，好沉重，要我依家重對數學懶下懶下咁真係做唔出...........


「快樂固然揮之不去，我卻害怕了
　　害怕又愛上這種快樂
　　　然後又被這種習慣快樂的習慣傷了」

一大朝早起身琴晚睇開左無事照睇小說

睇到一樣時間返教會......行左陣行返轉頭

嗯，真係估唔到，真係好好好開心

「唔開心->一般->唔開心->極開心」

咁多年真係第一次驚喜到咁.......(雖然客觀上泥講係好小事)

如果上一份中文作文係聽日交既話我諗我拎好高分^_^

返到去今日「靈食蜜語」個時聽人靈修既睇會.......

「要得到一定會失去」．．．．姐係代價

今日咁開心既代價就係之前有少少唔開心左幾日........我個時以為

之後分組吹水........沙發好舒服好安心差D訓着=_=''



之後下就去Hea........又係玩到好high

點知夜晚就比埋「代價」........

剪短小小可以變左超齊on9智障腦殘頭

重要同佢講完仲剪得齊......真係唔好怪我惡意地講句

你個腦入面水份既比例會唔會多到太過分?中文要聽得明真係咁Q難?

真係細個剪軍裝頭都無咁7...........

超想係屋企一個月先出門口............失禮街坊

8點幾先返到屋企phy未溫+文未作+中文未背

但真係無咩心情做...............我諗全世界最7既頭e個可以排第5=_=''

寧願光頭算數~(淚)

又到星期六........終於可以抖下

要我連續五個星期係咁出去玩不如叫我去死=_=''

朝早同阿昕打機hea左成日

下就睇野睇到夜晚

嗯，為絕望而開心左幾分鍾

嗯，始終都係要還既，夜晚直接三倍唔開心

但今次咩都唔諗搵野分散注意力，得左

過多陣再諗返都只係覺得「理所當然」，

再唔開心都只係無意義

諗左一個星期個人真係變左少少.......慢慢識分咩係「應該」「唔應該」

嫉妒只係多餘令自己唔開心既產物

倒不如慶幸最壞打算未發生

嗯，已經做好哂心理準備去接受任何結果

就算唔開心都「應該」唔會好耐既.............應該


夜晚諗住煮牛肉飯．．．點知搵唔到支汁=_+''

係街上面行左勁耐是但買其他野泥煮.......終算係食唔死人

無左阿媽管而得到既自己代價就係自生自滅XDXDXD


在這個舞台我現在不會是主角，未來也不會是

但最少我是先知部分劇本的觀眾

又早到死起身做功課.......做左成粒鍾無得打機=_=''

嗯，今日特登早左出門口

嗯，我遲ｄ一定會後悔

但多餘既我消失對其他人泥講應該會好ｄ：）

今日兩個代課老師都係最後一日教我地........少少唔捨得

又係難得熟左之後要分離既feel......憎憎地

我諗第時畢業可能真係會喊+_+''

放學陪人去mk買完野返屋企，

中途睇返d相，發覺我既鏡頭下面從未出現過自己

嗯，的確搵唔到幫自己留下足跡既價值

要我哂空間去記下自己不如影多幾個表情

可能真係嚴重自信不足？

我諗：連我自己都搵唔到自信既理由既話，
　　　　無資格去得到別人的讚賞目光

 

夜晚聽到某ｄ心聲，真係好感慨

聽到既真人故事差唔多完全影射緊，笑

聽完之後明白咁做既其中一個原因......

係好衰格同無恥但真係理所當然


－－－－－
依個星期不斷咁諗緊個一個字，

真係好在意依樣野

嗯，客觀上睇的確係成立既

但我真係唔想承認係事實

嗯，私心上唔想相信人壞到咁既地步

但真係有哂例子唔到我否定

嗯，我好清楚件事應該係真既，

諗左好耐都係覺得比較之下唔在乎既，

但知道我唔會頂得順假設既後果，一定會崩壞

就係我思考緊既時候，他人已走向一個最隨心既方向

當場諗到「Cross」e個字.

嗯，個條都係最適合我既路

但最後一定會係身上劃上更多傷痕，

天生凝血慢既我玩唔起，唔想失血過度而「咩盡人亡」XD

諗左成個星期終於比左個答案自己，「黑+白＝灰」

但我諗咩色我都係會傻枋枋(on9)地畫上張紙度，

始終思考得幾多性格都係一樣Orz