真係好日都唔得閒打呢個blog , 無計啦 , 我有兩個blog ~ 打一模一樣既野我又覺得好廢 , 下下打唔同既又要特登去諗 , 搞到好似好假咁 ~ 橫掂都係就不如大家睇我另外果個blog好過 ~ 至於呢個就得閒先加下野落去啦 ! 哈....

www.xanga.com/match_cho

得閒無聊就去睇下啦

終於驗左身喇 , 搞左咁耐 ~ 超搞笑 , 原來個醫生要畫底個紋身 , 重要問埋係咩意思 ! 我都唔知點解.......= = 但係睇一睇佢既畫功 , 真係 ........一個字 " 勁 " !! 驗一驗身又比人抽血 , 唔知點解 , 我諗係童年陰影 ~ 我始終唔敢望枝針 , 個醫生重串我 = = ( 紋身你又唔驚 , 抽血你驚 ~ 紋身唔痛咩 = = ) ..... 其實我真係唔多怕打針 , 因為佢抽完我都 feel 唔到 = = .........

report 星期三先有 , 希望星期五出得切個 visa 啦 , 我唔想又改機票呀 ~ 再留係香港我真係會悶死架 ....... 神呀 ~ 幫幫我啦            阿門 .

失驚無神牙肉發炎 , 痛到阿媽都唔認得 ~ 飯又食唔到 , 面都腫埋 ~想死

今日舊同學約出去食飯 , 重要去左pizza hut食 ~ 班友仔想加速我死亡呀 ~ 間接謀殺 , 我可唔可以告佢地架 = = 快d好返啦 ~ 我就黎唔得架喇

幾日講既野都係圍繞一個字 ~ "悶" ~

日日坐係屋企發霉 , 出街又唔知去邊好 ~ 連個blog都無人睇 , 好喇喎 ! 比下面 , 唔好齌睇唔比cm喎 !! 睇黎我今日點都要出街行下架喇 ~ 如果唔係會好容易死架 ~

無無聊聊又一day

由朝坐到晚 , 街又無得出 ! 個個都返晒工 , 又慣左早起身喎 ~ 可以做乜鬼呢 ! 急召 朋友多名 , 女朋友一名 (多名都得  講下笑唧) 我驚我一個都搞唔掂呀 ~ 好想去睇戲 , 但係自己去睇就硬係好似有點兒那個...... 搞搞下容乜易自閉架 , 我唔想做電車男喎 ! 乜我真係咁差咩......話不上靚仔 , 但都五官端正 , 係就係瘦到無飯食咁 , 但係身體尚算健康 ~ 人品好就牌品好啦 , 我牌品ok架 !! 唯有又係隨緣啦 , 我成日覺得 "隨緣" 呢兩隻字 係一眾溝唔到女既人既最佳藉口同自我安慰既說話 , 亦都係一班溝得大多女既麻甩仔飛女既好藉口 ~ shit ~ 算 !! 無結論 , 無總結 我繼續等運到等女溝 ~