打扮下又話你妖精、唔打扮又話你鄉下婆

肥D又話你系肥婆、 瘦D又話你排骨精　　　　

個胸大D話你無腦、 個胸細D又話你飛機場　

個屎忽大D話你難睇、 個屎忽細D又話你無生養　

高D話你似條竹竿、矮D又話你似矮冬瓜　　

頭髮太長話你見識短、頭髮太短又話你不男不女　　　　　　

多人追又話你花心大蘿蔔、無人追又話你羅底橙 賣剩蔗　 　　

熱情D又話你發姣、 矜持D又話你扮曬野　　　

太靚女又太揚眼、 太普通又無人睇得上眼

-
學歷太高又無人敢高攀、 學歷太低又無人想要
-
自己做野搵錢話你系男人婆、要男人養又話你俾人包
-
搵個靚仔又怕佢花心、搵個唔靚仔又唔甘心
-
靚仔全部都無良心、 好男人又唔靚仔
-
又靚仔又有錢既早就結曬婚啦！ 唔靚仔既好男人通常都系窮光蛋
-
搵個有錢既 又怕佢包2奶、 搵個窮既、 又怕自己要挨
-
搵個窮ga佢會懷疑你系咪真心跟佢挨、搵個有錢ga佢又話你貪佢D錢
-
專一D又話你又傻又天真、花心D又話你國際碼頭
-
生仔怕比老細炒魷、唔生又怕比老公炒魷、　嗯.幾巖聽，值得睇嘎…！

-- boy

搵個靚女ga、日日擔心

搵個唔靚ga，又唔甘心

專注事業ga、人地話你無D情趣

專注家庭ga、人地話你無D本事

專一D又話你唔成熟

唔專一又話你禽獸不如

有錢就話你變衰人

無錢就話你系廢柴

自己努力咯，等到有錢噶時候條女都變阿婆lo

等女人養、倒不如自切

唔去應酬就等抄魷

經常應酬就等分手

女人可以等嫁、男人可以等發

女人有三八節、男人都有八三節

女人唔帶錢照樣可以同男朋友出街

男人唔帶錢你夠唔夠膽同女朋友出街？　

唉！ -

靚仔又太搶手

唔靚仔人地見你個衰樣轉身就走

多野講又話你煩

無野講又話你悶

著西裝就話你太嚴肅

著隨便D又話你猥瑣佬

識搵錢就驚你包二奶

唔識ga又怕蘇蝦斷奶

結婚驚自己後悔

唔結驚佢後悔

生個細路驚無錢養

唔生驚老左無人養

做女人難…做男人仲難、哈哈哈…