今日係貧富宴!!大家都好興奮~呵呵!

本應cherry無參加到~點之妙玲無返~咁妙玲個位就比左cherry啦!^^

咁lunch就去禮堂啦~咁又抽邊個食富餐啦!

嘩~唔抽尢至可~一抽就把幾火!!!  

咁校長張飛係淺藍色1號~咁就係校長抽咩色可以食富餐!

點之佢又係抽返自己隻色wo~連續3年都係咁啦!

我真係好懷疑抽飛果個袋係咪全部都係校長果隻色黎架!!!><

另外~今日cherry著左裙,因為佢唔知會代妙玲去貧富宴!

咁去禮堂係要坐地下~咁佢就坐到好怪~怕走光嘛!

咁我就除左件jacket比cherry包住腳坐!

唉!最後我非常後悔除件褸比佢~= ="

佢一開枝水就倒瀉....................我件衫濕哂!

之後食餅........................我成件衫都係餅碎!

咁我都係食貧餐啦!咁我地全班4B得男班長可以食富餐咋!!!

跟住就有人訪問佢啦~咁人地就問佢見到人地食貧餐有咩感覺啦~

佢竟然答人地佢好開心wo~即時引起"民憤"!!!

之後我就同佢講:你食得咁飽~咁你就10日值日生啦~擦足10日黑板啦!

點之佢同我講:我係男班長~邊個擦黑板係佢話事~佢可以掉轉我擦10日黑板!

ToT" 哈哈哈哈哈哈哈哈!