今日都係補課~聽日就要正式返學啦!><好唔開心!
好似而家咁日日補一陣課咪幾好~我幾有心情上堂呀!
唉~我諗聽日就無咩心情上堂架啦!又未做哂功課~諗起都想死呀!><"
今日補完課就同suki,cherry去左銀座食野同買野~沿路行都好好笑!
cherry話佢買小說兩分鐘就得~跟住我就同suki係到計時~
哈哈~最後計左成10分鐘呀!跟住大家又係到大笑啦!
去到食野又係咁~cherry頭先去左圖書館借左本書做功課!
咁佢坐底就攞o黎睇,話要爭取時間,點之打開本書一陣間~睇左一陣~就話要去還書!
我以為佢咁勁咁快睇哂~點之佢話後悔借~唔好睇~本書個封面呃人wo~比佢笑死!!
今朝放學果時,我同suki已經捉左cherry去搭[車立],跟住食先野我諗住又捉佢去搭[車立]
點之比佢走甩左><"
跟住我地就周圍行下啦~之後就走lu!
|
