今日派卷 ><......好慘

*第一,二堂~英文:淨係派左listening咋,岩岩合格,47.5/89

*第三堂 ~數學 :長題目果題有進步^^不過都係唔合格= ="得41分>< M.C仲衰,我諗住實合格架啦!點知就士多啤梨啦!竟然唔合格,21/54

*第四,五堂~Econ:全部衰哂,退步哂= =長題目29/54,M.C 17/30,我自己睇返都唔知自己寫緊咩,都唔知自己點解會咁樣寫>< "

*第六堂~週會:性教育,好好笑,但真係笑唔出= =

*第七,八堂~中文:真係士多啤梨蘋果橙囉!!派左聆聽同Oral,聆聽做唔哂啦,都唔多覺有人合格= =我就得18/50,Oral先至最西瓜!!!竟然唔合格,都唔知有無搞錯!!平時最好就係e個,今次就........我4/9,佢本身係寫4.5/9架,無啦啦劃Q左我><"張紙仲要一句評語都唔寫,有咩要改善既地方又唔寫,咁我想改都無啦?!把幾火呀!!

睇到咁既成績,我係學校已經想喊架啦!返到屋企,即刻訓覺,諗住好d啦~點知都係喊左出黎><係咁喊.......喊到累,訓著左!咁訓到8:30,呀媽叫我起身,起左身~出到黎見到電視做緊{八大豪俠},咁我就睇啦!好好笑~笑死我啦~(果時心情好左d,喊完掛~笑得出!!)之後食飯,呀媽同呀爸講我唔合格d野~講講下,我忍唔住又喊><...唉~一次過喊返夠= =