10/4：由今日開始既一連四個聖文德工作日，我朝早都係要做監考員。因為我要幫手看管三個學生作所謂的考試調適。但是，應該很少有監考員如我這樣，d 學生有自己考試，我有我睇書、睇雜誌...

11/4, 12/4：收工後搭紅 van 過荃灣找妳食飯，見到妳，我真係好開心。

13/4：週六幫青協拍宣傳片，除左阿聰出得少外，個個都有相當戲份。其中 amy 最多野講，因為佢要講好多內容既野。我真係好佩服阿聰佢諗出黎既長鏡頭一 shot 落。難得佢有這樣的天份，希望佢可以響電影界大有發揮。我自己，反而在攝拍的技巧同知識都要多多加油先得。

14/4：朝早幫教會學「助已助人」，呢個課題易學難征，基督徒要有很多的耐性同愛心先可以將影響力影響人得好... 晏畫同小組去探訪教會的黃義妹婆婆。這類型的探訪，我真的是第一次做。第一次響醫院幫婆婆按摩有水腫的腳，起初真係有點怕羞，但其實做落都幾開心。^^ 可惜妳因為要忙搬屋的事來不了，但總有機會的。