琴晚同小婷傾電話傾到1:30,跟住上到床係到玩電話,玩堆銀仔,
玩到2點幾先訓教,呢幾晚都失眠,因為d咩事我自己都唔知,
但總之一訓落床,真係要碌好耐先訓到
晚晚都係咁都唔係一個好辦法..
今日落雨,成個天灰灰暗暗,個人都總係傷感d..
班主任堂: 派英文段考試卷,雖然都係唔合格,
不過有呢個分數,都滿意架啦唉..
起碼自問自己真係有俾心機做份試卷..
通識: 開頭聽左陣書,但之後好眼訓,
就黎<烚>著果陣無啦啦又分組討論,
妖,係咁串我:@ 之後連果小小睡意都無埋..
旅遊: 聽書,最後十分鐘呀sir都俾我地休息,即刻趴低訓教..
就黎訓著又打鐘,唉:(
PE: 今日去左大窩口打保齡球,第一次碌Ling..
開頭係咁落坑,盧敏同浩皓都O左,係咁零分,
但打打下開始憤左,都有番d分,有一次全中,勁開心^_^
陳SIR真係超勁囉..睇住佢打真係呆晒..
LUNCH:因為時間唔係好夠,所以一放LUNCH同浩皓即刻劈住咁去,
同盧敏,浩皓,鼻鼻去沙嗲王食飯,
記得之前細個果陣好中意同屋企人黎呢到食飯^3^
碟XO醬海鮮炒飯係幾好味,但好辣,
全程食飯我都無咩點講野,整係知好想快d食晒碟飯..係咁扒飯..
辣到我要拎埋隔離位d水黎飲:(
食完之後就搭的士番學,但係都係遲到,
屌,第10次啦,要記缺點,SAD..
MATHS: 訓教,訓得好舒服..
宗教: 成堂係到玩電話,近排迷上玩推銀仔.
放學: 番BAND,唉,我要快d練好果份譜..
宜家咩都唔諗,咩都唔知,整係想打好d鼓...
我要努力D!!!
今日7點幾先放,放左同小婷一齊搭車番屋企:)

又再振作去慰解他人,如難復合便盡早放開,凡事看開
又再講,沒有情人時還可自愛,
忘掉或是為自己感慨,笑住說沉淪那些苦海會有害
因為我堅強到利用自己的痛心,轉換成愛心,
已記不起我也有權利愛人...
別怪他,就怪我永遠難得被愛,我太好心還是太傻?