Wednesday,今日通識段考,發覺琴晚溫果D野係白費心機,
因為係考能源科技果一課,今朝整係就咁望一望能源科技果課D工作紙,
雖然比起上次段考寫多左野,但係我覺得都會唔合格GA啦..
通識: 同浩皓係到傾計,
浩皓就黎頂唔順我成日玩手機果隻Farm story..
旅遊: 酒店果本野終於教晒啦,星期五就會教食物安全..
成堂其實都係到發緊夢..
PE: D女仔去晒跑步果陣,miss叫我去拎野.
果個儲物室好Q恐怖><
今堂做體能,我做SIT-UP係十分之差,
跟住做<跳前跳後>果個,做做下個膝頭哥<卡>一下,痛到呢...
隻腳今日拉筋拉到好痛......
Lunch: 去左小南灣食,佢地個個都好驚訝我食咁細碗野..
果陣唔係好肚餓,同埋加上又減緊肥..所以就食小D..
maths: 好奇怪,今堂成堂都訓唔著,
向左邊又唔係,向右邊又唔係,可能因為無左本maths書墊住,覺得唔舒服..
宗教: 今堂出左去粉嶺果個逢瀛仙館參觀,
搭車果陣得我自己一個,浩皓同盧敏同我又唔同車,
搭車一經過某地方,我都總係會好自然係咁望..好多好多回憶係果到..
去到已經3點幾,等埋浩皓,盧敏就一齊行,
我同浩皓終於見到小婷同肥呈話似蘇民峰果個人,哈哈,又真係OK似..
去到果到不停係咁行樓梯,超累..
睇完晒D野,就去左聽果D咩簡介,勁多人訓著晒,
入到去唔知做咩個頭好痛,痛到好想訓教..
直至睇破地獄果段片先起身..睇完已經5點,
就搭車番左學校,跟住等埋盧敏,浩皓,就搭車番左屋企了..

今晚落左樓下跑步,出左身汗幾舒服,一路跑D風吹埋黎^_^
我想個個星期都搵一日落去跑步:)
但係
.
.
.
.
請原諒我,我宜家不停偷餅亁食,因為真係好肚餓呀><