琴日對我黎講係一個好特別既日子,一夜之間經歷左絕望同興奮,
所以今次呢篇BLOG可能會比之前果d長左d,好多野想講..


琴日同小婷,肥呈,浩皓,Molly,春麵,樂,葉朗,雄,李俊彥,肥鋒
去左大尾督踩單車,SORRY,我遲晒大到...
跟住入到去,佢地個個勁興奮咁簡單車,但我好迷惘,
最後都係簡左果架_ _ _ _ _,個個都係到笑我踩果架單車><
跟住我地踩左出去,本身跟到佢地架,但我越踩越慢,因為好累...
踩踩下突然見到春麵,樂,肥鋒,雄,跟住我地幾個踩去大埔海濱公園JOIN佢地,
一黎到呢到,我又諗番起佢..我諗番果晚所發生既野.
呢到真係好多回憶..
跟住我地抖左陣,再踩番去大尾督,
踩踩下我地踩左去對面馬路囉..
好彩有雄一直同我一齊踩,唔係我真係迷路,
最後都趕得切6:30踩到番去..跟住係到等佢地..
跟住我地搭車走人,我隻腳真係好似唔係自己咁,
真係差d企唔穩,佢地話我塊面又黃又青,
7:30出到去荃灣,去左打邊爐,跟住盧敏黎左JOIN我地,
等個湯底等到好唔耐煩,果時又勁肚餓WO..
跟住d餸黎到,即刻喪食野,係咁<But>..
食食下之後春麵同埋樂走左,得番我地6個女仔,
肥呈話我地幾個都幾刷得..haha,呢樣我都好認同..
跟住唔知做咩興起,我同浩皓,小婷飲酒,
我認我酒量真係好差,飲左唔係好多,我已經全身好熱,
成塊面,同埋隻眼都紅埋,連條頸都紅,
跟住我已經有D不受控制,竟然打電話俾呀洛..
平時諗打唔打俾佢好都要諗勁耐...
收左線之後,小婷同盧敏又拎左我電話係咁打俾佢==
跟住11點幾,我地就走左,果時都有小小企唔穩,同埋頭痛,
小婷係咁打俾佢,佢講果D野真係令到我好失望,
我真係覺得,佢有心黎既話,一早已經黎左啦..
我係咁話走,佢地又話等多陣,真係等到好唔耐煩,
跟住Molly,肥呈,盧敏走左先,
小婷同浩皓陪住我,最後我真係忍唔住喊左出黎,
條街好彩唔係多人,有小婷同浩皓扶住我,行落荃豐的士站,
果一刻我心情係好唔開心,但同時又好感動,
因為我知道係我最絕望既時候,我都有我班姊妹係我身邊支撐住我,真係好多謝妳地
我真係好唔明,我到底咁耐以黎堅持D咩?為左D咩?得到D咩?我真係好想放棄.
11:30佢真係打番黎,我同浩皓,小婷就搭的士去悅來坊到等佢,
最後佢都係過左黎,跟住我地係到傾清楚,
傾到差唔多12點幾,我一直係咁問佢果個問題,
因為我真係好想知佢個心諗咩..
最後都係傾掂左,佢同我搭的士番青衣,
一路係的士到,都同佢傾左好多野,
頭先我班姊妹講左咁多野俾你知,你係咁問我做咩唔同你講,
但你同我講你既諗法果陣時,我又真係好想問你,做咩從來都唔同我講?
最後佢送到我番屋企樓下,我攬實你係因為我怕會失去多一次,
今晚我講既野,全部都係真心話:)
咁岩攬實佢果陣,咁岩個電話又響,個鈴聲勁match果時既情境
<不要吻我,只要抱著我,不要愛我,做我的親人,把手借我一天一分鐘
做我最親密的親人,不是誰的情人,誰的某某某>
TWL,I LOVE YOU♥


我愛他轟轟烈烈最瘋狂,我的夢狠狠碎過卻不會忘
曾為他相信明天就未來,情節有多壞都不肯醒來
我愛他跌跌撞撞到絕望,我的心深深傷過卻不會忘