琴日放學即刻仆番屋企,
跟住夜晚同小婷,肥呈,春麵,樂5丁友出左荃灣,
本身諗住去睇驅魔殿堂,但係無咩位,所以去左食韓燒,
食得好開心,我真係已經好耐未試過笑得咁開心,笑到個肚超痛,
佢地2個男仔係咁望住我地3個..笑到痴晒線..
宜家諗番起,都一路打緊,一路係到笑:p
食完野之後就同小婷,肥呈去左機鋪打機,
跟住浩皓過埋黎join我地:D
玩到差唔多11點,就搭車番去,
搭車果陣,突然好想食熱既糖水,但其實都飽飽地,
跟住就去左美食城買芝麻糊番屋企食做宵夜..

>>琴晚發生個幾恐怖既經歷..
.
.
我份人比較懶,夜晚番到屋企,
通常都會玩陣電腦,上FB先會肯去沖涼,落妝,搞其他野..
差唔多1點果陣,屋企人已經訓晒,
咁我係廁所洗緊面,洗洗下無啦啦聽到有把女人聲,
係到話:" 媚媚,快d去訓教!!"
咁我媽同我呀婆通常都係臨訓之前先會叫我快d訓,
唔會無啦啦起身咁叫我...
同埋我呀婆同我呀媽把聲我點會唔認得==?
咁之後我無理,繼續洗,點知又聽到,
今次係把聲係再近d咁叫,又係講話:" 媚媚,快d去訓教!!"
嚇到我即刻熄電腦訓教==
今朝問番呀媽同呀婆琴晚1點幾有無叫我,佢地話無..
仲罵番我轉頭話夜晚如果聽到有人叫自己,千其唔好應..
咁琴晚邊個係到叫我呀!!!!??????