今日係清明節,6:30就起左身啦,姐係同平時番學一樣咁早,
7點幾就出左門口,媽咪又唔去,得我同老豆去,
跟住係青衣城等埋姨媽同舅父,表哥就搭地鐵去柴灣華人永遠墳場拜山,
企左17個站,9點幾先到,跟住就行路上果個大斜路,
唉,點解唔搭車呀:(  沿路行去墳場,麪包舗d麪包勁香,超肚餓..
行到上去之後,仲要行樓梯上靈灰閣,仲要上4樓,勁累..
上到去周圍望,跟住太大煙,就企左係窗口位玩電話,
跟住越企越冷,都行番過去班親戚到..
拜完之後,撞到我老豆d朋友,跟住我老豆扯我去見佢班朋友==
搞到我勁唔知點,完來有一個係前2年見過,不過我無印象,
佢話我對比起2年前已經瘦左^_^2年前既我真係...><
跟住人佢地傾左勁耐,我同我表哥都勁無奈咁企係到等,
傾左成半個鐘..終於都肯走,跟住就落左去一個公園仔到坐,
我拎住一串提子,一路食一路望住佢地食燒肉,唉><我幫佢地清晒d生果..
食完野就搭地鐵番青衣LU...




什麼都總會舊的,多麼苦澀無奈的心得,卻沒選擇..