每個朝早既星期一,我刷牙望住塊鏡,一諗起打後果4日要番學,
係幾咁漫長,我就覺得好辛苦,好累..
我既減肥計劃今日開始,今朝早整係食左一杯乳酪就出門口..
今日早左出門口,廢時又遲到啦,第8次啦,唔可以再遲:@
英文: 今日終於到我地果組出去講story,講果個大白鯊..
講完之後因為實在太累,抖左陣..
中文: sleeping,我發覺次次自己訓教,都會係落堂前五分鐘自動起身,
可能俾我隻死人腳適應下,次次佢一痺真係好辛苦.
地理: 同浩皓傾計,玩左陣電話..
通識: 聽左陣書,跟住又玩電話
Lunch: 去左小南灣食,今日d豬頸肉好好味:D
食食下俾我成碗食晒@@
Maths: Miss話我日日上堂行屍走肉咁..叫我唔准再交白卷
其實我有諗過讀好d ga,不過始終無果種興趣係到..
上到2:30,就去左hall聽禁毒講座,
fuck!!!!!點解坐我格離果個要係周俊呀???
不得不承認,呢一個位,係我呢五年係李炳入面個hall坐過最差既位!!
哼,仲要俾妳地幾個係到笑:@,妳地明唔明我有幾悽慘...
一路坐我一路係咁縮,佢一抓頭果下我真係忍唔住屌左聲!
望住佢d頭皮好似雪咁飄落黎(無跨張成份),勁想嘔..
放左學之後,就同小婷,肥呈落荃灣行街,佢地買雪糕食><,但我減肥,堅決唔食..
跟住我地周圍行,我地突然好有mood話行路番屋企,我又可以順便減肥..
就係咁,我同小婷,肥呈就係荃灣廣場,行番上石圍角,
跟住小婷走左之後,我就同肥呈行過象山,再行落梨木樹,
雖然條路好辛苦,我地都有諗過不如搭車算啦,
但最後我地都無放棄到,行到成身出晒汗,我已經不顧形象,整起晒D陰..
間唔中有D風吹埋黎都好舒服,行到番梨木樹都6:30,
跟住搭埋小巴番青衣,都已經7點了,沖埋涼食飯,食完飯又覺得自己肥番><

隻腳宜家好痛,明天仲要去柴灣拜山,6:00要起身..呀!!!!!!!
仲要比平時早成半個鐘.
由於明天早起,我決定今晚會乖乖地早點爬上床訓教^_^


行動比承諾實際!