今日考中文卷一,卷三,卷五..
唉,卷一既第一,二篇好難囉,第三篇都話好小小,
好失敗呀,明明自己有溫過,見到第一難d描寫法我應該係知個答案
但突然之間唔記得晒..oh my god~
去左最後果題,要用番<再別康橋>同埋<也許--葬歌>
跟住是但亂寫左D落去==
死啦,我feel到會唔合格囉..
到左卷三,聆聽都無咩野既,係唔明最後果題..
咩野叫以暇掩瑜..以瑜掩暇..都唔知咩黎..
跟住是但寫左D野落去..
到卷五,都無咩野既,唔係話好難,但寫到我手都軟埋==
放學: 去小婷屋企,買完野食之後先上去,
食完野之後同佢睇見鬼10,完來條友仔之前提過一次,
仲要捉住我呢個無膽鬼黎睇多次..
其實我覺得我地2個好變態,睇鬼片可以睇到哈哈哈咁大笑..
尢其是佢地係十字路口果PART,我笑到控制唔到自己..
仲有一PART係講話有個男仔係屋企出面條走廊俾野上左身,跟住係到跳舞..
果一PART又係勁好笑..
不過都有幾多驚嚇位既,<倒樹聰>果到好恐怖...
睇完之後,我地睇番D笑片中和下..
個<LU筍>果條片我真係睇十次,十次都笑到痴左線..
睇到咁上下,就搭車番左屋企了..
番到屋企樓下,我D睇完鬼片既後遺症又出番黎..
我係個大堂到HEA,一見到有人同我搭同一部LIFT,就即刻標入去,
番到條走廊勁驚..諗番起走廊果PART野,
咁岩條走廊又無燈,最出果個單位門口又有D好似神枱果D紅色燈..
跟住扮無野行..隻眼瞄一瞄到走廊上面有D黑色野..
嚇到我即刻跑住咁衝番屋企門口..
唉..我真係好細膽>< 我諗我連續一個星期都會咁==


青衣呢到好凍呀...可唔可以暖番少少?
天氣太凍我呢個哮喘病人好辛苦..