#334.

今日係bad day,我既心情就好似今日既天氣咁..
係陰天,有太陽但係都係好多黑雲..
一起身望一望部電話..今日係星期五,無錯,係星期五
幾辛苦先挨到黎今日..
個身同個心都好累..行出門口果陣我係拖住黎行..個身"軟拉拉"..
今日同老公去左一粥麵食早餐..
我試果個新野..鮮魚粥+炸醬腸粉..鮮魚粥..d魚肉好好味..
炸醬腸粉就係幾辣既..但我又覺得好好味wo,20蚊都抵既..
之後搭車番學..頂,次次食粥都會遲到..
之後索性搭到梨木樹落.係OK 睇埋雜誌,買埋野飲..就慢慢行斜路番學校..
番到去都差唔多8:30..企到8:45番上去課室...
通識` E班班房勁涼..勁舒服.訓教真係岩晒...我地D班又熱又焗..差勁遠..
英文` 無帶Poem and Song,今堂唔洗抄野,哈哈..
呀達話我地呢度係訓教區囉xd成堂我都係到玩電話..
英文`又係對Mock Paper..係咁抄答案,份卷都無咩點做過..係到等答案==
旅遊` 抄完野之後,Miss播碟,係講d飛機起飛同降落之間..係點樣編排d飛機點排位..
哈哈,我勁有興趣睇..成堂勁留心咁睇..
我果刻勁想問Miss可唔可以借隻碟俾我番屋企煲晒佢xd
Lunch` with小婷,肥呈,盧敏,蚊豬,浩皓去酒樓食..食左烏冬..勁好味xd
之後搭9先走,行條樓上去都勁累啦..之後話咩就黎遲到..
我地幾個跑番去學校..跑完之後好似無左半條命咁呀陰工...
中文` 派番成語果份野,我拎滿分,做左15年人都未試過拎滿分//
但我果刻都無咩心情,對我黎講都無咩野..無話開唔開心
次次高分過妳dd姐,妳都唔洗咁講野掛..
Maths` 心情好番d,之後係到玩電話..食野..
放學`盧敏,浩皓走左.我,小婷,肥呈係學校...
我就釘埋課室d壁報,d壁報紙飛下飛下好唔順眼.V.
點知釘釘下無釘,走左去問Miss借釘,Miss問我做咩咁自動自覺走去釘壁報==
釘完之後係到傾計,我地傾得好激烈xd
唔知做咩果陣個腦係咁諗起龜苓膏同黑涼粉,好想食=p
坐到5點就走左.唔該晒小婷陪我地配眼鏡,
配完之後就搭車番屋企...
*呢排晚晚追女王辦公室and老公萬歲,好好睇:)


阮民安阮民安阮民安阮民安阮民安^_^好令仔呀:)