新學期開始了 代表著我的地獄生活又開始了
今個學期的科目 都比較商科
包括: Human Resource Management,Maketing,Management Report,Mangerial Competencies Development
好多管理學既科目
雖然好難 不過我唔會屈服!!

x

話說今日遇到一件令我幾感動既事,亦係呢件事令我今日好有衝動打blog,想分享一下自己既感受

最近因為新鞋刮腳,令我雙腳腳跟位置損得好嚴重,傷到見肉(我都唔知點解今次咁嚴重)
所以最近變左傷殘人士,行路十分慢及拐下拐下...
呢種步行方法不但樣衰,還令雙腳更加累..
今日如常返學,但行到半路,痴係腳跟的膠布甩晒
但沒有辦法,而且就黎遲到,都一定要行落去
點知行行下,有個女仔無啦啦拍我膊頭,對我講:"我有膠布呀 你快d痴住啦"
個一刻我真係好感動 突然覺得人間還有愛,呢個世界真係有好人架!!
我相信好人有好報 呢個女仔一定會幸福!
試諗下 一個從來都唔認識既人 都會肯出手幫你
雖然只係一塊膠布 但係對我黎講,呢份關心係無價
相信睇到呢到既你,一定會覺得我會唔會太誇張,一塊膠布姐洗唔洗咁呀?
但係我想講既係,
唔好睇小自己既力量!你一個小小既付出/慰問,其實對於別人黎講,已經係一個好大既幫助
所以試下多D關心身邊既人,見到別人快樂,自己也會快樂!
如果世界多D呢類型既人 你話幾好呢.....