*Happy Friday*，所以我今日都輕鬆,用口語打呢篇Blog。
今日公司搞左一個小活動,目的係希望我地咁多個實習生認識一下
都好呀,起碼唔洗坐係office到對住部電腦嘛。
講真,唔參加呢個活動都唔知原來有咁多實習生
因為平時我都係對住d包團部,郵輪部,Customer Service(姐係我經理)既同事..
D實習生大多數都係IVE過黎..
一入到去坐低,個個都係怕怕羞羞..
但唔知點解對住D同自己差唔多年紀既人,我反而無咁緊張,仲覺得輕鬆左好多
首先個HR同事同我地玩有獎問答遊戲,其實都係想俾我地認識下公司既基本資料
之後就係要我地玩2個遊戲:
第一個
我地要根據我地既生日日期順序排隊。
但我地唔可以講野,唔可以寫野,只可以用手勢話俾人地知我地係幾月出世
最後我地都好快就排好晒隊,順利過關
第二個 (難好多)
材料:
1.一把剪刀
2.一卷膠紙
3.一個紙箱
4.一份報紙
我地要用呢d既材料黎令一個氣球自己升上天花板,最少掂住五秒..唔可以用手直接擺上去
我一聽到呢個玩法,第一時間就望住d材料呆左,心諗:邊有可能整到呀?
我果組仲要係最遲開工..
但無辦法,都要硬上..人地以前玩呢個Game都可以成功過關,自己都一定可以。
首先,
一.擺一部份既報紙落個紙箱,痴實個底
二.卷好d報紙後打直放落個箱,之後就一個接一個咁升上去,
三.將個氣球痴落報紙,慢慢將佢升上去
但當然啦,俾你升到上去又點?個氣球邊有可能痴住係個天花板到?
所以我出茅招,係d組員整報紙既時候
我就痴左d膠紙係個氣球既頂部,咁升到上去就會痴住個天花板
最後,我地順利贏左..個禮物就係一盒BROWNIE
但其實呢個係繁複版既答案
最簡單既方法係: 用報紙整條線,痴係個氣球底部,然後鬆手放上去

不過我覺得個遊戲好有意義,起碼俾我知道:
1. 呢個世界咩野都有可能的
2.只要堅持同有心去做就一定會成功
3.同身邊既人合作係好重要
4.呢個世界其實無特定既答案,無分對與錯..

好,今日又上左一堂課:)