11月仲有10日就完,但呢篇係我11月第一次打既blog
差唔多成個月都無打過blog了..


是咁的,琴日等埋個放學,就出左去尖沙咀行街,
好耐無去過唔太記得點行,跟住係咁周圍兜,
醫埋個肚就繼續行,去左海港城到行
OMG,個三眼仔聖誕樹真係好靚

跟住行左出去影其他TOY STORY既人物:)
 

影完之後同行去海傍,挨係個欄杆傾計
D海風吹埋黎好爽^3^
跟住見到有太陽,話不如去睇日落,
之後就勁即興咁去左白泥.
我同都係第一次去,唔多識路,唯有靠我部電話個地圖
掛住睇電話,過馬路無留意紅燈,咁岩有架車開埋黎
如果唔係拉住我,我諗我應該宜家訓緊係醫院..
跟住係咁行,搵左勁耐,終於搵到個小巴站,勁感動
5:30入到去,跟住衝住咁落去個沙灘
都仲見到小小個太陽,但幾分鐘之後已經無左

 


白泥既日落真係靚到不得了,一生人真係點都要去一次
跟住行番出去已經天黑,好唔容易先係d草叢堆行到番出去
等勁耐都無車,跟住直頭行上去搭,
一路行一路同係到嘈,係咁bi li ba la,嘈死人
見到其他情侶講野好細聲,但我地偏偏唔係,
跟住仲要話係我講野大聲:@:@:@
唉,好唔容易先上到車,出番去元朗食B仔
見到我係咁咳,一食完野之後就即刻拉我去飲涼茶
佢原來係D會認路既人,我係咁fake佢行第2條街,佢都唔理我,
最後好無奈咁俾人逼我飲24味...唉...
我一唔飲又俾人怒啤,但真係苦到_ _..
(事後係fb話逼人飲涼茶果個人係好男人囉== 救命~~~~)
跟住周圍行左陣,送我番青衣,陪埋佢等車之後就番屋企了..


很累但很開心的一天,多謝你
多慶幸在你這裡,
有了你,我的世界變得有點不一樣^3^