琴晚中秋節,一大班人一齊過既feeling真係好正.
呢排真係好enjoy呢d活動,因為實可以大笑一餐
同埋畢左業之後,都未必成日咁齊人一齊玩
所以真係好珍惜呢d<一大班人一齊癲>既日子:)

琴晚一行十四人去左汀九果邊個雙仙灣bbq
果到真係好角落,
唔係佢地帶路真係唔知點樣落到去果個沙灘
我地未食野先減肥,係條樓梯到行上行落,兜黎兜去
因為諗住去搵爐,但係d爐都俾人霸晒//
最後都係決定左直頭擺d炭放係d沙到就咁燒
我都係第一次坐係d沙上面bbq:) 雖然D沙好拮腳
食完野之後陪細東個妹妹玩燈籠,
佢個樣真係好可愛:)
跟住又係到影相,夜晚望住個青馬大橋真係好靚
個個都玩到癲晒..係到玩true or dare
玩玩下之後成班人話去鬼屋探險,
星係咁叫我去,但我最後都係決定左唔去
廢時一陣又見到d唔應該見到既野..
跟住得番我,肥呈,molly,呀城係到
呀城係到講鬼故,聽左小小已經忍唔住叫佢轉話題
跟住仲要無啦啦落雨,真係oh my god~
過左無耐佢地都番晒黎,坐到差唔多2點
真係好眼訓好想訓教,就出番去馬路等的士.
唔該晒呀朗送我番青衣:)
番到青衣買埋糖水食就番左屋企了



有咩慘得過...知道左男神同佢女神去食糖水
但係就自己一個係電腦面前食糖水:'(  

***
站在真相面前無常人的尊嚴
我妄想可補救其實極幼稚
明明早改變是我不知羞恥
就在這秒奪回曾遺忘的尊嚴
勉強再乞討你還是沒意義
仍然感激你 贈我這一個故事 贈我最痛日子
無情地贈我傷痕　長留在此