第3篇既有感而發之關於yeung shuk mei*



無可否認,人一得閒呢,就有好多好奇怪既諗法.....
我都係因為今日太得閒,所以打左一篇咁既*關於我*文章


其實我係一個...
1.固執
覺得想做就要去做,就算身邊所有人話錯,都照樣死都要做
都最後知道衰左又好自然識得調轉頭走
2.慢熱
對住d唔熟既人唔會講野/唔理佢,1句起2句止.
3.自私
有時做野可以好唔理人感受,
有時同d唔太熟既朋友傾傾下計覺得佢煩就會無啦啦唔應機..
4.無記性
呢個係我最嚴重既問題,因為相隔幾分鐘既野我都可以轉個頭唔記得左
所以我通常有咩要做都會記係電話/寫張紙貼係電腦桌,但都無改善
近排成日發生既係..番學換好校服,諗住噴止汗劑 
但諗諗下都係...算啦,都係扎好頭髮先噴,
點知札完個頭髮出門口,搭車果陣先記得,哎也..係wo,唔記得左噴止汗劑
跟住果日我就會好唔自在,同埋唔敢同身邊既人痴得太近
5.大食
我諗最高峰時期係我F.3-F.4 
最勁既記錄係.......講出黎都嚇親人
但宜家已經做唔到,個胃離奇地細左好多.
6.被動
唔知點講,就係唔識主動咁解.
呢個問題真係好需要改善一下
7. 好勝
呢樣野我諗講出黎都無咩人會認同我係個咁既人,但我真係咁!
其實我都幾唔輸得,同埋要面
會有一種<既然人地得點解我唔得呀?>呢個諗法
同埋抱住<呢個世界無野係無可能>呢個觀念
有時仲會抱埋<唔得都要得>去做一樣野,總之就係唔想衰
8.細膽
去海洋公園唔洗預我,
除非你叫我去睇水母同埋玩哈囉喂
我完全唔敢玩機動遊戲
玩DISNEY個飛越太空山我都可以嗌到成個癲婆咁.
我有時都覺得自己好失敗
9.懶
懶到我唔識點舉例子,總之就係懶


其實我想/有諗過.....
我想環遊世界,周圍去..
我想畢左業之後第一樣做既野就同朋友去旅行先..
我有諗過離開香港,去第2個國家住..
我想減肥,我唔要再做肥婆
我想食極都唔肥..
我有諗過做激光矯視 我唔想帶眼鏡/CON
我想學好D英文,因為英文真係好重要!!!!
我想第時有一個男朋友,係會陪我周圍去玩,周圍食:)
我想呢個句世界可以出現一樣野,呢樣野係可以令我忘記晒所有同xxx既回憶.
我想買晒自己想要既野


其實我好鐘意....
我好鐘意食野..
我好鐘意同好enjoy朋友/一大班人一齊玩既時間..
我好鐘意同朋友傾心事..
我好鐘意食BURGER KING個雙層蘑菇芝士漢堡..
我好鐘意m記豬柳蛋飽,去親m記都整係食豬柳蛋餐(由我5歲到宜家既習慣)..
我好鐘意米奇米妮同埋藍精靈..


其實我好憎....
我好憎某人,唔知點解對佢好反感
我好憎人成日講野唔算數,應成我D野又當無左件事(講緊上面果個某人)
我好憎人地呃我/有野瞞住我
我好憎人係背後講我壞話,我寧願佢當面同我講..
我好憎雙面人,唔好對住我係一個人,對住其他人又係另一個人黎
我好憎D男仔漁翁撒網..
我好憎人地逼我..


總結黎講,其實我係一個怪人:)


--end--