呢一篇野只係有感而發。
或者係因為琴晚聽完果位朋友講既野
我先發現自己真係有太多太多太多既問題


其實由7月尾到8月尾呢一段時間,我都覺得自己無問題
我覺得好free,好enjoy每一日,好食好訓,
同身邊既人相處得唔錯,基本上無煩惱,
所以我個身形一路脹落去:p
終於去到琴晚,我失眠
因為我係咁諗起果個朋友同我講既野
琴日聽佢講咁多野,突然勾番起我好多就黎唔記得既野
果位朋友話得我岩,
我一路俾以前既野影響我既觀念,跟住我就唔敢再接觸新既野,
咁我一世都唔會搵到一個真正關心我既人,搵到真愛
我聽完佢講<真愛>呢2個字,我真係得啖笑,
由我第一次拍拖之後,我都唔認為呢個世界仲會有真愛.
真愛係咩黎?我整係知真正愛我既係我屋企人:)
其實我真係唔識處理呢方面既問題,
我次次都無正視過問題,因為我慣左逃避
我一直抱住<唔接受就唔會受傷>既心態去對任何野
暫時黎講我真係覺得無咩問題,我覺得仲開心
即係簡單D黎講: 我 唔 想 再 受 傷 ! 

最後,我覺得我宜家真係好開心,我想keep住咁落去,
我已經計劃晒好所有野,我唔想突然因為出現某d野影響到我
我唔想改變我宜家既一切
感情呢一樣野太煩,好似永遠都有問題解決唔晒咁
唔想再諗,唔好再講!

--END--