今日同小婷,肥呈去左美食節,1點幾係灣仔MTR站等肥呈
再行過去會展JOIN埋小婷
超級多人,逼到爆!一有d咩試食果d都衝埋去
本身無食飯既我,買左小小野食已經好飽
買左乳酪雪糕,同埋魚蛋燒賣食,d燒賣同魚蛋<林>到呢....x_x
本身我地排隊諗住買魷魚食,點知排排下佢先話無晒,勁無隱
同埋見到有d人食勁大粒既貢丸.超想食.但係搵唔到係邊
見到美心好想買冰皮月餅,但佢地話有排先到中秋,最後都係放棄左..
同埋以我呢d速度,未放完暑假我諗都俾我KO晒D月餅
點解見唔到angry bird月餅/_\
行到3點幾,我地宣佈放棄
因為真係好累好累好累,個膊頭唔洗要..
不過都買左好多野,4盒EDO餅,一包燒餅,2包魚肉腸,6支野飲..
果6支野飲真係飲死我== 
我諗我食晒呢D野之後又肥多幾磅,
今日小婷見到我,已經話我又大隻左..唉:(
跟住閃人,小婷就好啦,過對面搭巴士直接番到樓下..
我同肥呈行去地鐵站行到PK..D野又重
越係心急番屋企就越係番唔到..我地竟然搭錯地鐵線.去左銅鑼灣==
跟住我地又唔知痴左咩線,一路係咁笑..
之後我問左肥呈一個好膠既問題:"如果呢個時候有人偷你個袋D薯片你會點"
跟住我地一路講一路笑到去尖沙咀.
係笑到控制唔到自己,個種FEEL有D似我上次飲醉酒傻笑果陣..
係唔知點解會笑,想停又停唔到...我認我笑點真係好低
跟住肥呈搭東鐵番佢新屋,我就去搵41A.
頂,點知行錯車站,最後都係唔行到總站,係麼地道個站上車算
好唔容易先番到屋企..膊頭痛到唔洗要!!
But today very happy la^^