*2日1夜既長洲之旅完結了^3^

♥


♥


♥

琴日(25/6)同honey去長洲玩,期待已久的活動^^
講真今次係第一次入長洲,入到去第一時間周圍行,
個太陽又勁猛,周圍搵房,最貴都要成千幾蚊,最平600幾蚊..
租完我地2個走左去圖書館睇書,其實係涼冷氣xd
涼到一點幾 我地就係到周圍搵間屋係邊
真係無雷公咁遠 係垃圾房條路上去再經過個公園仔再轉彎先搵到..
一入到去真係唔想走,因為出邊咁熱..
HEA左陣先出去食lunch*
本身同honey想食一間野,但無位.最後都係是但搵一間食
食完之後就去沙灘陪honey曬太陽
經過前日去disney同呢2日,我覺得自己真係黑左..
但完來去沙灘曬太陽又唔係我想像中咁辛苦,反而好舒服..
曬左陣就番入屋沖涼,個傻仔好中意扮無帶鎖匙黎嚇我:@
我掛住睇卡通片跟住honey係到話我=3=
沖完就出左去食海鮮..真係極好味!!!
傻仔扮猩猩個樣真係勁爆,睇完真係忍唔住勁大聱咁<哈哈哈>笑左出黎
你個傻仔真係特別多表情xd!
跟住仲要係到gut我黑眼圈大:@:@:@ 
食完野我地周圍行,同埋坐低傾計,D海風吹埋黎真係好舒服..
吹完跟住就番左房...
係果一個鐘頭入面,其實我無訓過教,我只係一直覺得好難受..
時間過得好似好漫長咁..諗左好多好多既野,真係忍唔住
最後都係無事^_^ 但我想你記住我同你講過既每一句野,因為都係出自真心!
望住你果一刻個表情我真係有D驚訝,我永遠都會記得果一刻!
跟住落左去行,諗住食宵夜,點知我胃痛,痛到行一歩痛一下
之後honey咩住我行,我都知我好重^^
跟住番到去就訓教,我唔明點解佢可以咁快訓得著
我係醒下又訓下,跟住又醒左..完來挨住honey個手臂訓真係好舒服
全晚開住橙,冷氣又勁,真係好難訓得著..
同埋個傻佬訓教係斜住咁訓,霸左3分2張床..
5點幾半夢半醒聽到honey問我睇唔睇日出,因為之前我話過要睇..
但係因為真係好眼訓,最後都係無睇..:(:(:(
訓到今朝11點幾先起身,跟住沖涼,出去食野..
我同honey想食果間無開,又走左去食其他..
但呢間都唔錯,個忌簾汁飯真係極正!
食完仲要同honey一齊食cheese cake^_^ 正!勁滿足!
食完野之後周圍行,行到1:30就搭船出番去
眼訓到係船訓著左..跟住HONEY送到我番屋企樓下^^


短短20幾個鐘,有開心有唔開心
珍惜每一分每一秒
發覺有你係身邊,真係好有安全感*
訓係你個心口,真係好舒服,我會訓得好安心
呢一個月入面我成日發你脾氣,嬲你
但係你都依然對我咁細心體貼
自從遇到你,我明白到好多野,
以前我會成日埋怨你,點解唔識講甜言蜜語黎哄我開心?
我更加會諗,點解我地從來都唔會好似其他情侶咁,會用BB,咩老公老婆黎嗌大家
有d咩事一係直接講出黎,一係就簡單一句<喂>
但慢慢我發覺到,其實行動比講更加實際!
呢d咁瑣碎既事,我亦都唔會再介意同執著
因為..我只係想同你簡簡單單  
簡單先係最幸福^3^