今日真係超唔想番學,聽到鬧鐘響都唔想起身,唉:(
呢排好多煩惱..到底係我自己亂諗定係咩呢?
我自己都唔知道...我可以點?
班主任堂: 係到做通識份剪報.
跟住miss出去講野3分鐘,好釆無叫我^_^ 
fiona講佢以前學校d野講得好激動:p
通識: 同浩皓傾計,聽完佢講既野個心都好過左D既..
不過呢D都係之前既事....
旅遊: 聽左陣書,之後睇片果陣真係忍唔住訓著左..
pe- 碌ling,今日考試,真係好驚..
考果陣有97分,頂,差3分可以拎A啦..
但係考完之後係到碌,我又有101分,可唔可以計我第2次碌既分呀???!!!!
真係極度可惜:( 
Lunch: with浩皓,盧敏,鼻鼻,小婷,肥呈去左莎樂美鋸扒
_ _千fake人既!!又話30蚊,點知我地見到既係40幾蚊..
好釆帶多左錢姐..不過40幾蚊咁多野食,都算係咁啦..
我地個個都飽到pk,跟住我,小婷,肥呈,浩皓係莎樂美跑過去千色,
真係癲架,你地3個係到笑我:@:@:@
番到學校岩岩好夠鐘..
Maths: 大半堂都係企係到上堂,因為D野食未落格..
頂住個胃真係好辛苦...
你何以見得我仲會同佢聯絡?我講過我已經當無識過呢個人,我講得出做得到..
宗教: 成堂都係玩電話..
放學: 番band,但今日呀sir唔舒服,打左陣鼓佢就走左..
跟住我,小婷,呀蕉,呀bee,周身郁係音樂室hea,
死人周身郁,句句gut住我:@:@:@:@
坐到6點幾,就同小婷搭車番左屋企了...


今日浩皓問我,如果甜言蜜語同埋開心,會揀邊樣?
最後我答左佢: 我會揀開心...
我只係好想簡簡單單,開開心心咁過每一日...
呢幾日我諗左好耐,有一些事,我真的可以體諒,可以忍受,
或者係因為之前發生既某些事,令我明白<忍受>同<信任>都係好緊要,
我學會忍受,原來我怕失去你..

.
.
.
.
祈求在路上沒任何的阻礙　令愉快旅程變悲哀
祈求天地放過一雙戀人　怕發生的永遠別發生
從來未順利遇上好景降臨　如何能重拾信心
唯求與他車廂中可抵達未來　到車毀都不放開