今日一起身有d唔舒服,喉嚨超痛,我諗係琴日同星期6係咁食花生,
跟住又肚柯,唉,sosad,想唔番學但又唔係咩大病
最後都係番左學..:(
閱讀堂我趴左係桌5分鐘已經訓著左,破晒之前d記錄..
英文: 成堂都係玩電話,發夢咁過..
中文: 同盧敏,浩皓傾計~
小息完左之後就去hall睇話劇
D演員係我地學校D舊生,係講6.4,
同小婷,肥呈,浩皓係到傾計,
某人真係好似水箭龜,浩皓仲要扮話<水箭水箭>..
我地仲要係到話: 精靈球,水箭龜出黎啦..
我地幾個真係笑到痴左線xd
個話劇去到最後果到好有興趣聽..^_^
lunch: 同盧敏去左越泰軒食,一早諗定食咩飯..
好耐無食過啦,真係超級正xd
maths: 飯氣攻心,sleeping~
旅遊: 做工作紙做左成堂,唉,死啦,exam要考晒上,下2冊書,
咁鬼多野要記,仲要2個課題都係無咩興趣..有d驚..
放學: 浩皓,肥呈,盧敏去左考sba
我同小婷係課室到傾計..
跟住小婷教我一題數,我真係數學白痴,load勁耐先明...
其實果陣好眼訓,係咁標眼水..
等到5點幾,佢地考完,就同小婷,肥呈行落梨木樹
我地係到扮媽咪麵個藍毛毛.仲要拍埋片,笑左xd
跟住同小婷搭車番屋企


期待........