今日係步操管樂比賽,唉,今日早左成個鐘番去,
自己一個人係梨木樹hea左成個鐘,先行番上學校
跟住練左陣野,執埋D野,就搭車過左中山紀念公園
一去到係咁落雨,真係好擔心會落好大,
之後不停走黎走去,係到睇個場,睇下到時真係比賽要點行..
跟住去左睇drum battle,真係大開眼界,馬來西亞同泰國對戰
超期待睇呢2對既比賽,一到呢場勁多人圍埋係到草地睇
其實2隊都好有霸氣,但我中意馬來西亞多d,勁正!
睇完之後我地就番去準備..
一點幾到,drumline就開始,第一隊出去就係我地,真係勁緊張
一路打個手一路震震地,但打到中間果段甩左,
跟住聽到無啦啦靜左,即刻咩都唔理,係咁<roll>鼓..
最後果幾下漸大聲都岩番^_^
跟住就番去坐,D人係到玩uno,psp,電話,
勁hea咁坐到5點幾,先到marching band比賽..
第一次參加比賽,仲要落住雨黎行,好難忘
其實一路都好緊張,因為好驚會行錯..咁就......:(
唉,完左之後我先發覺我唔記得左一D野..
佢地話無所謂啦,但我自己唔知點解好執著果一下,硬係覺得差D野咁..
完左之後我地係到睇靚仔,
泰國果隊坐左係我地格離,有個真係幾令仔,
果陣佢仲要換衫,佢除衫果下..我,小婷,呀蕉即刻係到:<嘩...>
跟住小婷同呀蕉走左過去同佢影相,我繼續係到玩電話..
跟住見到馬來西亞個翻版羅志祥,好鬼正囉唔該!
佢仲要係到行黎行去,我同小婷去完廁所番黎,
佢地個個係到fake我話翻版羅志祥頭先同佢地影相,好衰:(
之後坐係到傾計,周身郁想講3d,講左山d
佢仲要好似無咩野咁,係咁講:你地有無睇過<山D>,果套好似係<山D>
我同小婷真係笑到趴係到.
呀蕉話今次翻版羅志祥真係同佢地影相,就係草地果到..
跟住諗都唔諗,即刻跑住咁過去,最後同佢影左2張相,
哈哈,開心死,但佢好cool,佢差唔多同個個人影相都唔會點笑..
跟住我地走去同個泰國令仔影相,佢真係勁nice,仲教我地講泰文
跟住到左差唔多7點,就番左去睇住D野
同呀蕉係到傾計,突然好似明白左好多野咁..xd
跟住佢地番晒黎,哈,拎左好多奬,好開心:)
跟住8點就番學校,擺埋D野就走左..
9點幾,我,小婷,呀蕉,Molly,呀bee,周身郁,蔣尉勤頹住落荃灣食刀削麵
全程真係笑到我地就黎死咁濟..
食完野之後我地落機舖,係到睇佢地玩拍拍機..
玩到11點幾就去左食糖水..
行到去福來邨一轉角就見到xxx,佢係到望住我,我又望住佢,
已經咁多年,真係估唔到咁都會見到佢..
本身諗住去松記食糖水,但因為無位,過左去第2間食..
我地個個食完第一啖之後個表情都係一樣,
我地逐碗係到試大家D野食,真係.....x_x
佢地話我果碗已經係比較好d既一碗,小婷果碗<鎮店之寶>真係..
我諗我擺入口5秒都無已經即刻lur番出黎
真係好佩服小婷竟然可以食晒..
食完之後12點幾,遮埋小婷去搭車,就截的士番屋企..