琴日同成班親戚去咖啡灣bbq,好耐無燒野食啦,正!
咁佢地要夜晚先入去先燒,
所以我同虹虹晏就走左去唱k,唱完之後入去join埋班佢地
唱到4點幾多d,再行左陣先行去搭車
係旺角搵52x真係一件好困難既事.
虹虹個老豆fake左我地囉,又話新世紀有得搭,
點知行去新世紀問人先知要行番落彌敦道
跟住一路搵都搵唔到,58x,59x就大把車站,
52x就要行到去太子先搵到個車站,真係搵到勁炆
之後仲要等左半個鐘先上到車,
妖,真係好憎坐親巴士,後面果條友係咁用隻腳頂前面張凳
係呢個半鐘入面,我已經唔知俾人頂左幾多次:@:@:@
完來我同虹虹早左2個站落車,行到我地pk..
上次去果陣已經早左一個站落車,虹虹已經問我,下次會唔會仲早多個站落
點知真係俾佢講中左..
行到去已經7點幾,跟住即刻開始燒野食,
無芝士腸的確係差左D野咁..
東東燒左隻雞翼俾我食,haha,唔該晒^3^
食完野之後我,虹虹,東東,尊尊去沙灘行.
行左陣又番去燒野食,燒完野食班姨甥女撩我地玩..
呢班姨甥女真係....用4個字黎形容佢地,<精力充沛>
跟住我地拎晒水槍同埋D勁大既兜去沙灘玩水,
我地幾個<大哈細>,我,虹虹,東東,尊尊一組,
跟住無啦啦<內控>,虹虹同東東係到互淋,笑死人
我都俾東東兜頭淋左幾次,
跟住班姨甥女無啦啦整係追住我一個黎淋
玩到咁上下我地番去飲野,我地班大既其實都攰攰地,
跟住班細既走黎問我:<姨姨,仲玩唔玩>
之後好啦,抖左陣再出去玩,
來來回回左3次,佢地都仲問我地玩唔玩,
我已經攰到喊,邊夠佢地6,7歲人仔咁好精力,
玩極都好似唔識攰咁,玩到11點幾,走去沖身果D,
我唔記得帶衫換,整係換左條沙灘褲就出去搭車,
一上到車真係...真係凍到入心,
一路凍住出番荃灣再轉車番屋企.
一番到屋企即刻沖熱水涼,但沖極都仲覺得個人好凍
好彩去到今日都無唔舒服
整係個大脾好痛:(
但真係玩得好開心,好耐未試過癲成咁..
多少往事,停在心頭
望住班細既,就諗番以前我地4個一齊大既日子


今晚真係特別難忘:)