琴晚既bbq night真係好開心:)
因為琴晚番到屋企都3點幾,所以留番今日先打blog.
琴晚同肥呈,小婷,盧敏,浩皓,鼻鼻,肥董去蝴蝶灣bbq
係荃灣千色店等肥呈,佢媽咪同老豆車埋我地入去,thank you so much
肥呈媽咪好幽默囉,腳架男haha xd
入到去我同肥呈去買野食,小婷同浩浩皓去搵爐
跟住咁岩又係佳寶撞到盧敏,鼻鼻,肥董
買完野食坐左陣,就開始食野..
好黑人憎,點解我成日燒親腸仔都會燶,仲要係個頭燶:@
仲有點解你地個個都咁記得我之前燒燶腸仔果件事:'(
我真係食丸同腸仔飽,今晚飽得好快
食完野我同浩皓落左去沙灘行陣先,
跟住見到情侶係咁咀,咀都唔係問題,
但係由我地行過去,直到我地回程果陣佢地都仲咀緊,
起碼超過5分鐘,真係好癲==
跟住小婷,肥呈,肥董落埋黎,死肥董係咁踢d沙過黎,
有次我一擰轉面,佢咁岩又企到勁遠咁踢埋黎,
搞到我食晒d沙,仲要成件3都係:@:@:@
有2個傻婆諗住整古我,諗住2個扯住我一個跑沙灘,
點知俾我扯番轉頭hahaha xd
玩完之後番上去,我地係到互扔d冰
我,小婷,肥呈係到夾攻肥董:p
玩到差唔多12點,我地就出番去,
死肥董一路由燒烤場gut我去到車站..
佢真係好鬼大力,俾佢打左幾野,勁q痛:(
出到番荃灣12點幾,我地就搭的士去梨木樹,上肥呈屋企
我地係到玩啤牌,跟住之後發生咩事都唔再多講
不過又要麻煩到妳地幾個送我番屋企,真係100000個唔該晒:)
番到屋企望一望鐘,3:30,上床訓教

。
。


呢2個月入面,我承認我一直戴住一個假面具去做人
但戴住面具真係好辛苦,我琴晚忍唔住要除低
因為陪住我既係妳地幾個,俾到好大既安全感我,我先可以安心做我自己.
其實最令我感恩既係,可以俾我識到妳地幾個
對住妳地,我可以不顧形象,可以盡情咁大喊一場
其實我好驚妳地提佢個名,次次妳地一提起
我都會講: <得,唔好再講佢,我唔想知佢d野>
係呢段時間,我都當我唔識呢個人..
我承認,諗番起同佢發生過既野,同埋有時睇番d相,
我個心真係痛到好似俾好多把刀插落黎,
我放唔低既唔係佢個人,係回憶..呢一點我真係好清楚!
有好多人話,搵到個新既就會忘記到個舊既..
我自問自己真係做唔到,我接受唔到自己未放得低晒以前既野就去搵個新既代替
其實有邊個女仔唔想搵到個真心愛自己既人架..唉...


其實明知你成日講野唔算數,應成過我既野又做唔到,
我成日同自己講:<聽完就算>,但又暗地裡期待
咁姐係點解?