事因係咁,有一次我約佢出來,之後我求其搵藉口話唔去,又同佢講左好多唔應該講的說話,例如,我覺得你好善變,我好難配合你,戈時已經講左話鐘意佢,佢無答應或拒絕,但係佢諗左好耐,就話我識左你第二日,我就想認你做呀哥....當時我,聽到之後,乜心機都無晒,又講左好多野去傷害佢,就好似上面咁,之後我仲話,唔好啦,我唔想做你呀哥,都係算啦,對唔住.....

自此之後,佢無搵我,見到面都不打招呼,我比佢訊息佢無覆,打電話佢又唔聽....但我有道歉,之後又因自卑心作祟,又講左d傷害佢的說話,再氹番佢,又傷害佢,佢終於無再理我,之後,我做咩都好似無用.....

我去佢樓下等左佢兩粒鐘,熱到死咁濟,見到面,同佢講野都唔超過二十句說話,佢就上車返工,戈日我放假....好早就去等佢....

最近,我係佢lock架到寫字仔,一個笑話之後,下面就係關心佢的說話,每日一張,今日,我都有等佢,等佢放工,可是見不到她,很不開心......