今日阿爸生日,早上同埋阿媽去左飲茶,下午就約左阿康同埋佢個fd睇死亡筆記,個結局改左好多,不過不失啦,不過佢個fd真係令我太失望啦,夜晚就同阿康食左個大家樂[東星班火鍋],都幾好食,之後就答89D返屋企,點知半路中途,比我見到我左邊前一格既人有d古怪,大約廿幾歲到,金毛男人,見到佢同佢個<類似朋友物體(都係男性)>左右交換坐,之後佢比左張廿蚊佢個fd,跟住就係個膠袋到拎左兩隻老番dvd出黎,我初頭估佢係賣d 4仔碟比佢,跟住坐出面個個金毛,係到左右前後望,仲係到望住我,我扮睇緊roadshow,望完一輪之後就唔知係到做咩,向佢左邊個fd好似囉野咁,我再望一望佢,,,,,你估我見到咩!!!!!????
佢用個兩隻碟姐住個頭,但係我見到佢手上有一團白色粉末,之後係到吸,再卒下卒下咁-.-,嘩,好大個白粉友係巴士,我再望下佢個fd,我見到有一飽野(好似白粉),跟住我都差唔多落車,點知佢個fd都係同我一個站落車我見佢個fd行路好似飲左酒咁,落樓梯都有困難,之後我就急急腳咁行返屋企........