尋晚，打電話比吳韻思，約佢一齊去九龍灣(身體檢查)，搵左幾次都搵佢唔到~應該係大陸未返。跟住唸住算啦，同呀媽一齊去~

但佢11點打黎，約我一齊去九龍灣，約左時間係MK等。跟住，夜晚，我呀媽問我"你搭咩番黎?"  我話"搭地鐵~"  我呀媽又話比呀

爸聽話我約左同學搭地鐵去。之後，就係戰爭既爆發，痛苦既來臨`!呀爸"死蠢，你搭地鐵去九龍灣，要行半個鐘，你呀，一個鐘都

未去到呀"之類個D啦~~我D眼淚已經開始流，但冇喊出聲，D眼淚係甘流，係度忍緊佢，唔同佢嘈，仲要忍住甘係度做英文剪報，

好彩冇滴D眼淚落本功課度。跟住我去廁所洗個面又出黎，跟住佢又嘈過，岩岩洗完面，又再喊過~~今次好痛甘放聲大哭，流晒鼻

水，佢講個D係唔理人尊嚴，搞到自已冇晒尊嚴~~總之，勁慘啦，比佢罵到死= ="  跟住呀媽又講我地自已去，我話我個FD唔識

去嫁，甘佢點呀`?佢之後打黎"話唔見左紙，唔去" 我"唔見到得，有身份證就OK" 佢講完野，唔會講88，同埋講野個時好似好唔

耐煩甘~之後，忍喊打比佢，話搭巴士~佢又好唔耐煩甘話得~我講左88，佢冇講*我講左都冇用既=3="

唔知點講，總之，移日好慘*我都係就晒個FD，好心冇好報?定係我太過好心‥`!

我呀媽話咩都聽晒佢話，佢唔識，會跟我地*又比佢話><

今朝9點幾起左身，約左fd 10點半係巴士站等，去奧海城睇戲，睇{森林反恐隊}，11:05a.m.。去到都係10:45，之後去左買

飛，唔買野食，直接入去~跟住開始睇，開始左一陣，我都好眼訓~~今日9點幾起身，平時都11點幾起身。好眼訓，如果比我訓，

我都訓得左，但我冇訓，比錢入黎睇戲，唔睇米蝕晒~~但個時好暈，有少少想嘔，都唔知咩事~幾驚暈左係度*之後，睇完，就

走，隻腳有d浮~浮下浮下甘。套戲都ok~~講動物，個fd話好想睇，我先陪佢睇~~我想睇{翻生侏羅館}，佢有碟，睇左~佢話ok

搞笑，但幾得意~我好想睇*V*好似幾好睇。跟住同我個FD落左去舖頭食飯，{佢屋企冇人}。落到去1點幾，跟住食飯，食到2點

~之後送佢去車站，等佢上埋車，我就走LU~跟住返到去，我呀爸叫我去買報紙，去左報紙攤，又冇開~~又走去7-ELEVEN買，

唉，晒我時間!跟住，做商業剪報~跟住我個FD打黎，我話"番唔到屋企呀?"佢話"係呀" 甘都比我估中。佢話佢有戴KEY，但鐵閘鎖

左，入唔到去。佢屋企人又唔係屋企，都唔知幾時返*最後，佢3點幾返到屋企，佢呀婆返左黎。跟住我四點出去搵佢，上左佢屋企

，戴埋部NDSL比佢玩，冇電，戴埋充電器~一路差電，一路玩`!

很開心`!大家也很喜歡飛輪海>3<   而且唐禹哲也很帥`!原來他的生日是9月2日~我比他遲1日。

移排喜歡上影貼紙相=)我發覺自己影貼紙相既時候可以好開心`! 我都好鐘意唱K*V*

今朝又係11點幾起身，移排都係甘，慣左夜晚1點幾，兩點訓~朝早11點幾起身*尋晚，成家係度玩21點~~我起左身之後，就食

左薯片=v=之後就去左洗頭，洗好頭都差唔多1點，跟住執下房，拎d功課出黎做呀~~我唸住今日唔出街，唸住做一、兩樣功課，

再玩電腦~但差唔到兩點個時，大家姐打黎問我去唔去唱k，我有d驚訝，冇啦啦又會叫我去唱k，跟住我問佢''有邊個去?"計埋佢，

都有3個堂家姐。我又唔可以話唔知，話唔知有會比佢話甘大個人咩都唔知咩~甘我米問佢，"幾多錢呀?"佢話"唔使，我請~"

我"哦，甘好ar~我過黎你屋企" 佢"嗯"  跟住我就落樓，{因為之前沖涼換左衫}~上左去搵佢地，坐左一陣，就落樓去佐敦(238)

唱k~~得我地3個人，本身應該4個，有一個堂家姐同fd去食飯，唱k~甘我同兩個堂家姐~開左房之後，就唱~~我唱左好多首歌，

多過佢地好多，唱到冇乜氣，但把聲都冇沙，冇走音。大家姐話我咩歌都識唱=V='' 我都係第一次聽到兩個堂家姐既唱功*

由2:30唱到6:15，埋單好貴呀，成300幾蚊~食左5碟野，同其他，我都唔知點計*係NEWAY，睇新聞個時，話大陸D人，將個牌

翻譯做"冼到要小心D"{本身係要小心地滑}，同埋"跌落河要小心D"{本身係要小心跌落河}，掉番轉黎講，好好笑*可能你地覺得

好百痴，冷笑話=V=我聽到都O晒=]大陸D人英文唔係幾好~~某D~跟住番屋企，玩電腦，又要做TV NEWS><

唉，仲未做過功課，點算?之後，個幾日要努力D啦~~仲要小測商業同地理，未溫呀=0= 地理都冇聽過書，要小測，唯有靠自已。

今日，又出街，好倦=]尋日同今日都好倦*之後都唔晒出街~~但要去身體檢查同COC*講番今日先，今日，差唔多12點落樓，搭

巴士去大角咀拜年(伯伯，我呀爸個FD，但點解年紀可以差甘遠，差40歲=0=)~~去到伯伯屋企樓下，跟住搭LIFT，入左去之後，

禁左層數，但又唔上WOR，試多次，又唔得~~跟住，有點驚，出番去*但管理員叫我地入返去，話再試多次，原來係部LIFT條

空隙太闊，合番埋去，就上到去。上到去，就恭喜發財人啦，佢老婆都係度*就招呼我地，叫我地坐，斟茶，叫我地食糖。跟住佢

地係度傾，傾左好耐，佢老婆好長氣{成日話佢老公}，講野好好笑，佢講甘耐，我笑足甘耐=V=~傾左成個半鐘，走之前仲比左成

袋野比我地，有2盒金沙，2包魷魚絲，一包開心果，仲有10個HELLO KITTY 襟章。全部我都鐘意食>V<真係太客氣佢地`!但都

多謝~之後，去左附近搭巴士去彩雲，再轉車去西貢~去到西貢濠涌，就去左車公廟拜神，我對拜神冇咩興趣，但都係甘意拜下，

費時比人鬧到豬頭= =跟住搭的士去返西貢，食野{大約3點幾}，食完又搭番車返出去佐敦，又要轉車，搞到6:10先返到屋企*

係屋企休息左半個鐘之後，又去大家姐屋企，今次食盤菜。上到去，7點幾到啦，之後玩左幾鋪WII。跟住大約8點食盤菜，仲有其

他野食*好多人食，差唔多成30，唔知有冇呢*我一路食，一路睇煙花，都唔錯*雖然係冇新年氣氛，但費時同人迫=]食飽之後，

又賭過*D人玩左1、2鋪魚蝦蟹都冇玩*之後玩21點同三公*我呀爸比左3蚊我玩起*玩21點同三公都係靠運氣*呀叔話係到派錢比

我地，最後我贏左$21，因為有3蚊係呀爸比我玩既，所以比返佢，我都有$18，幾開心，自已親手贏*感受到勝利的感覺=]

我移D穩陣派都係1，2蚊甘玩*D人最少都玩10蚊，有D少少地一鋪都50蚊，幾豪，輸左唔心痛嫁咩?~比我就唔會甘大膽><

跟住呀哥無啦啦，比左20蚊比我買野食，可能心情好掛*尋日，都比左我$50比我買野食*我2個細路，每人都係得40蚊*

多謝呀哥`!甘錫我地~佢D親細妹都冇，唉><  玩到10點幾返屋企，尋日玩到十點*  我地只係係新年先玩下，同自已人玩，唔會同

出面D人玩，呀爸話D人會出老千*其他時候都唔會賭。新年個時，同自已人玩下，開心下，又有咩所謂`!

今日晏晝同我細路係屋企開片=V="佢細隻拖鞋飛埋黎，痛到我死*跟住我踢番佢，又比人鬧=]甘係佢整到我先既~!!!甘痛，我一定

會還擊，唔還擊仲係人黎嫁~!搞到我隻腳紅左，有2個細圈。大約1點，成家落樓，我呀爸話戴我地去山頂，話登高，步步高陞個

D*唉，無啦啦又要行山=]落左樓之後，我地行左去尖沙咀，搭船去中環，跟住搭巴士上山頂。去到山頂之後，就行某一條山徑，冇

睇蠟像館個d~~就係甘行，係甘行，行左好耐，我行得勁快，快佢地2、3倍，因為全部係平路，同斜路*我係分叉口等佢地，等左

好耐*之後，就行晒，其實都唔知行左幾耐。之後落左去搭小巴落中環~落到中環，就去搵野食(大約4點)，未食飯，但好多舖頭都

冇開，年初一*之後，去左大家樂食。食完之後，就去左買d禮物，上去大姑姐、姑丈屋企(大約5點幾)，拜年，逗左利是，同表弟

玩下，表妹訓左*我呀爸同姑丈佢地傾計傾到6點幾走。之後，去大家姐屋企~~7點去到，玩左一陣打鼓，之後，8點食齋，{年初

一}食齋wor，但有蝦*食完之後，有玩魚蝦蟹，21點，好似係"三公"**呀哥做莊~好多時都係甘。我冇硬幣，所以唔玩。但我呀

叔比左$20比我去玩*我有玩魚蝦蟹，21點，好似係"三公"~初頭我都唔知咩係三公，移家知，係計點數*跟住我d細路坐係度，成

碌木甘，又唔玩*之後，又玩番魚蝦蟹，佢地又用呀叔d錢玩，跟住我地成家都玩，我最豪個次買左$5雞~因為我肯定個鋪有雞，個

排好多時都出雞~~果然真係，我連本戴利贏左$10~~最後，我都係贏左$13~~夠我食一碗雲吞麵*但係記住"小賭怡情，大賭亂

性"，所以奉勸大家都係唔好賭甘大，玩下好啦，贏都要識收手，唔係又會輸番晒。封左封大利是比大家姐，NDSL本身價錢係

$1570，但有200蚊佢貼，跟住淨番$1370，我呀媽肯出$370，我就出$1000~~個1000蚊，係我上年生日收到既**好彩唔使

出埋個$370，唔係又要拎利是錢=]今年利是唔係好多，利是唔怕多，越多越好~! 

                                            祝大家新年快樂呀~!!!