今朝唸住去京士柏做運動 .... 9點一落樓~狂風暴雨~ 用縮骨遮..... 好快條褲已經濕左，因為太大雨關係....企左一陣...都係橫風橫雨

總之下半身已經濕晒~上半身就少少.... 去到中華書局個邊,用樓梯上去....D水係甘流....小型山洪爆發....一路上都落大雨....

又行雷`好似爆炸甘...有少少驚~我對鞋又要鬆....幾經辛苦先上到去..... 上到去又等停雨... 唔知上黎做咩....

下晝就約左朋友上我屋企練下小組討論.....

我係B組既第一個,考朗讀,係我考先...好彩夠時間讀...用左59秒....其實都冇望計時器...剩番一秒 

然後小組討論...問題係"香港人是否越來越冇禮貌?試談談你的看法。"

係好簡單 ....但我唔知認唔認同...立場都未搞清楚.... 一開波,個女仔話唔讚成

我本來係認同架....但最終我係唔認同`甘就4個唔認同~2個認同....

D人狂講例子`巴士呀叔都拎埋出黎講.......有個女仔同另外2個認同既女仔駁火 [平淡,唔激烈]

我只係發左2次言...另外一次無意義發言

考完係"我咩都唔知呀!!!"唸起移句> 不知道 不明暸  不想要  為什麼?!

朝早返工~之後去左太子補英文oral......除左教左oral技巧外....講到一條題目時,你覺得自己做咩類型工作做得好呢?點解?

話好多人都會簡係office 做..因為工作環境好.....呀sir 話佢只可以返到半日....因為要佢係office 坐成日會好悶....以佢活潑好動既

性格...係絕對冇可能... lunch之後就會唔見人 .... 佢仲話移家d人好多都lunch之後都唔見人....走佬...而老闆又唔會打比佢地..

大家心照啦..老闆自然又會請人 ~ 之後又講法例,,就算返工一個鐘,,都有權去拎番1個鐘既工資,如果唔係...你可以去告佢

做左1個月後,,,炒你至少要有七日通知..否則違法.... 移d常識大家要知...保障自己....我相信大家都應該知既..

之後陪左朋友去香港電台(九龍塘廣播道),同學會面試...等左2個鐘,幾有義氣....只要能為朋友做的,,我都會做

去左松記食糖水,,勁多人...坐係出面食....

20號開始返工囉~ 係中環返工,係會計師行做....幫我姑丈手.....個度唔大....但設施齊全*只係得4個人打理

做既野...就好似文員甘.... 打文件...copy & paste [甘益我?!哈]......將d紙訂隆 (訂左成千張呢!),影印...

有時要去務大樓拎表*出去做野.....都係甘囉...都ok既 `9:30a.m.-5:30p.m.   六、日唔使返

唔小心比紙整傷...只是一秒.... 

又被防火門夾親手掌,襟落去都痛,整到D根 -V- {只是小事吧!比起體育運動時所受的傷} 

我係個度學下野,吸收經驗....[學習中] 我都唔知人工幾多...唔緊要....佢比我幾多就幾多...唔知幾時出糧 

有時都幾倦架`賺錢艱難啊... 

姑丈有時會話我啊、串我啊... 我知佢為我好....都唔介意~我已經慣了-V-

同事都好幫我~有人睇住..好d既 

我一向做野慢-3- 係香港,做野唔可以慢~唔係會比老闆炒! 做野慢就要變得做野快

 唔聰明就要學習變聰明

每朝都行去機鐵站...都幾遠架~行15分鐘。去到香港站`又要行15-20分鐘先去到公司`真係幾倦!食完早餐咩都消化晒

姑丈唔比我返工啊!佢話考試比返工重要喇.. 我知道,,但冇得準備...

佢仲認真到要我搵20-40個好既詞語...再打比佢 

公司係擺花街,,嘉寶商業大廈 ,,係一個比較舊既商業大廈

其實都去過disneyland幾次(學校唔使錢個d)....都幾好呀~* 第一次去玩,,記得要走個時...唔捨得...以為以後唔會再去,因為好貴!

第一次係迪士尼睇煙花....覺得好靚....比平時睇既煙花靚一倍..... 睇完好感動啊睇緊個時唸.....如果可以同心愛ga人一齊睇就好啦!

浪漫~sweet  你知道嗎?! 2個人看的煙火，比一個人看的美多了。我本來想唔去...但大家姐(堂姐)叫我睇住表弟表妹..我就去啦,唔

係被逼既.....我比較鐘意同表弟玩,,成日拖佢>3<  異性相吸 ~ 不過表妹都超可愛*靚仔靚女 .....表妹都唔係好睬我...仲細&我好少同佢

玩....大家姐好錫我地移d細既... 有咩好既都比我地

朝早9點打黎，我起早身 

尋晚唔知咩事，成1點先訓，玩電腦玩到12:30......返到學，都未眼訓既....1開始，就3堂數學，都冇乜點聽，佢講番尋日個d，聽

唔聽都冇所謂。2堂中文，好眼訓，趴係度做miss比既工作紙....都訓到，成功`!!英文，又做閱讀理解，眼訓@@....放lunch，我

今日都冇浪費食物，我相信我以後都唔會，只要堅持。會計，miss叫左我出去做數{我覺得最無奈牙}，出到去，次次都唔識做個

wor.....其他人又識做，甘醒@@`!!!miss走黎我個位，教我.....我明左之後，就出去做.....miss話甘做都岩，但叫我寫多次，比d

同學睇......miss索性比埋本答案比我抄，我覺得好瘀牙......好多人都識做，係我唔識~如果我溫書，我就識~~就係冇溫，所以唔

識，唔知講咩囉= =~其實今堂會計堂，我心情幾複雜，唔知做乜=v=。之後放學，同慧慧去左圖書館，教佢英文......d問題有d幾

深奧，唔識答~我不是miss 拉....但係教緊期間，好多人係我地附近，仲問我野.....之後，去左教員室，搵miss chow，問佢會計d

野同傾計.......，講左唔止半個鐘.......慧慧就坐係度等我，圖書館都關門啦@@....我好似聽到某人把聲係操場打波，但就冇乜點

望，係咪幻覺定幻聽@v@?我一定要溫會計牙，唔係死梗`!!!唔識、唔識~又唔溫，就累積好多唔識*你問我唔明d咩，我都唔知牙

@@~~買左飛輪海卡片包，好多都係尊，大東得3張(1張閃)，亞綸得1張~~><  我要亞綸牙.....