每年中秋屋企都會收到唔少月餅
或者有ｄ係用積分換返黎既冰皮
真係多到食唔曬　要叫屋企人唔好再係公司扲返黎啦！

但今年就冇ｅ個情況　而我又想食冰皮
咁岩見到美心１個有得食又有玩既冰皮ｓｅｔ
咁就諗住去買啦！　點知。。。。。
就發現另一個更抵既ｓｅｔ啦！

就係雙人冰皮裝　＄１００／５包！！！
而且仲要有好多款揀　原本１包都要＄３２／＄２７！
如果唔想買咁多既＄７５／３包都有
真係超抵呢。。。。我見到張圖有超多款
以下所有系列既都可以揀

• 「脆脆系列」 ─  首創加入朱古力脆米的冰皮月餅，口感特別，清脆俐落，令人一吃難忘，款式包括士多啤梨脆脆、富士蘋果脆脆、朱古力脆脆、蘋果批脆脆及荔枝脆脆。

• 「朱古力系列」─  以濃香的朱古力製造，細膩口感，一試傾心，款式包括魔鬼脆脆、天使白朱古力脆脆、意大利咖啡芝士、特濃朱古力石板街、心太軟及黑森林。


• 「芒果系列」 ─  冰皮月餅包著酸酸甜甜的芒果醬，味道清新，齒頰留香，款式包括芒果脆脆、楊枝甘露、皇牌芒果及芒果栗子。


• 「人氣系列」 ─  俱備多款人氣口味，款式包括栗子、綠豆蛋黃粒粒、滑滑奶黃、紅豆甘栗、士多啤梨、荔枝、柚子、木瓜牛奶、香蕉船、夏威夷果仁芝麻、皇牌綠豆、抹茶甘栗、榴槤王及香濃咖啡。


• 「芝士系列」 ─  美心今年全新推出的冰皮系列，款式包括廣告推介藍莓芝士蛋糕、檸檬芝士蛋糕、柚子芝士蛋糕及香濃芝士。
  

我見到脆脆系列係貴ｄ既。。。
ｅ家又可以揀　梗係揀多幾包係貴ｄ　咁樣會仲抵ｍａ！
下面又係我揀左既款啦！！
不過有１包已經未到中秋就俾我食左啦！！

左上＞右上＞左下＞右下：
芒果脆脆＞魔鬼脆脆＞榴槤王＞搽茶甘栗
而俾我食左既就係天使白朱古力脆脆　我覺得麻麻地！
都係白天使蛋糕好食ｄ！

原本好想買心太軟。。。點知賣曬唔入貨
可能其他店就入到貨啦！
而且有好多熱門既都冇曬。。。下年要買真係要親早買啦！

真係估唔到中秋會收到鳳梨酥同豬肉紙！
而且仲要係鳳梨酥ｘ４、豬肉紙ｘ４！！！
係公司見到真係笑死我。。。。中秋可以收到咁別開生面既禮品
我同事話ｅ間既豬肉紙係阿蘇係電視介紹過
之後我地開左黎食　真係停唔到口既零食
但係食多幾塊我就開始覺得有少少喉嚨痛！
零食都係少食為妙啦！！！

鳳梨酥唔使多講。。。。超傳統既台灣手信
不過我中意食太陽餅多過鳳梨酥！
而ｅ盒鳳梨酥就冇食到　俾同事扲曬黎ｌｕ！

禮品２之大驚喜２

如事者。。。。。到左之後１日
又收到從台灣寄黎既１大箱野！！！
心諗：唔係ｍａ！！！又黎？！
點知。。。。。。今次一開箱仲爆！！！！！
真係完全估佢地唔到寄ｄ咁既野黎
ｓｉｓ們又估唔估到係咩黎既！？
一開到見到佢地就係公司大笑左好耐！！！
真係好頂唔順。。。。。

１大箱入邊有１３個ｅ　ｄ野。。。。。
每１個都似２隻手掌拍埋咁長到！！
大家就估下佢係咩黎先！！！
到些文完結時就會開估！！！ｈａｈａｈ。。。。

禮物３之大驚喜３
話說又係係公司收到一大箱台灣寄黎既件
唔使講又係中秋禮物！！！！
以為會有月餅啦。。。。。
點知又係其他食野食
又係同一牌子既豬肉紙！
乜真係咁出夠既咩？有冇ｓｉｓ可以證實一下？

同埋另１個好靚既禮盒！

入邊又有鳳梨酥。。。。
真係超中意太陽餅多過鳳梨酥！
仲要我地成ｔｅａｍ冇咩人中意食鳳梨酥∼
即係要我１個人食曬成大盒。。。。。
我試左１個之後覺得ｅ個既鳳梨酥只有金肉其外
原來係１ｄ都唔好食ｇａ！！！

另外左右２邊既都係台灣出名既野
就係大家平時都好中意係街買既奶茶／烏龍茶既茶葉啦！
我仲未開黎試。。。。希望好飲啦！
估唔到中秋會收到茶葉仍禮品！！

禮物４

係公司除左收到以上咁特別既中秋禮品之外
都收到傳統既月餅作禮物！
美心雙黃白蓮蓉ｘ２

禮物５
繼自己買到既皮冰又收到冰皮換扲卷
同樣都是美心既冰皮！！不過覺得始終不及大班既好食！
因為係禮盒卷換既所以冇得揀款！
好彩只係係重複左１個！
有軟心朱古力石板街／楊枝金露／綠茶甘栗／奶黃

禮品６之大驚喜４

屋企人收到朋友從普通酒樓買既月餅
一收到就知道比不上老字號既味道啦！！
有日口痕就扲左１／４黎試下啦！！！

點知。。。。真係對佢改觀曬！
因為咁樣我食ｏ個邊係有１個超大既黃係到
我諗分分鐘大得過人既眼珠ｔｉｍ呢！！！

而且圖中見得到係冇乜油
其他老字號既雙黃月餅唔使講都知個蛋黃有好多油係到！
但ｅ隻月餅食落都唔癿個蛋黃有油
就算係平時個盒底都會油淋淋既。。。。
ｅ隻真係可以做到一滴不流！
真係一ｄ都冇誇張　真係好岩我ｅ　ｄ又想食但又怕油既人啦！
從始真係要對酒樓月餅改觀啦！！！

上文提過究竟ｏ個箱綠色一個個係咩黎既呢！！！

答案。。。。。。。。

。。。。。。。。。。。

。。。。。。。。。。。。。。。

。。。。。。。。。。。。。。。。。。。。。。


就係。。。。。。。。。。。。。。。。。。。。。。。。沙田柚

係唔係真係好大驚喜呢？！