今日無意中入返呢個塵封好耐既日記板，睇返十年前既日記，好慶幸以前有寫日記，
今年三十七了，紀錄下呢個三十七，可能十年後返黎睇呢個日記，希望仲可以流傳到。
呢幾年經歷過唔少，年紀越大，生老病死都係必經之一。
上年因為子宮肌瘤搞到血色素好低，搞身體好差，發現既時候要即刻入院，
醫生第一句就話點解咁遲入黎，你個情況隨時暈喺街，會心臟衰竭
原來突如其來�H病，你自己都估唔到。
好記得有晚凌晨去完廁所，眼前漆黑一片視力模糊，喺廁所用力叫極都冇回應，
我知道如果我一瞓低就大鑊，用盡九牛二虎之力爬出去叫醒基基再入院，
原來人病起上黎可以咁脆弱，但我知道我有個女唔可以瞓低，
前後相隔一星期就到手術日，我記得手術嗰日一早六點就搭的士去瑪麗，
你拖住我隻手，我feel到你好緊張擔心，但唔知係咪做左媽媽呢個角色，
我突然覺得自己好勇敢，好放鬆既心情去做手術，俾人推入手術室果時好記得有十幾二個人圍住我
一人一句問我野，之後俾個面罩我聞就訓左，到我醒返已經做完手術，已經係差唔多夜晚時分，
好記得醒返第一句係好痛，之後就連住個麻醉止痛機，加氧氣機推返落病房，果時基基已經等左我4-5個鐘。
但做完手術第一晚係我呢生最無力氣好既一日，好記得半夜啲護士巡房，拍醒我唔好訓呀呼吸呀呼吸，
我迷迷糊糊都唔知發生咩事，到第二日都係無得飲水食嘢，麻醉止痛機副作用令我好暈又嘔，
麻醉科醫生巡房建議我第二日都繼續用止痛機（痛就按制），但我為左可以快啲出院，
我淨係靠食止痛藥捱過第二日，到第三日我見到醫生我又問幾時可以出院，待續
|
