本身我今日係要返去教會架，但係點知落大雨，媽咪就唔比我出去喇。
不過，就算媽咪比我去，我都唔會去架啦。琴日凱怡先打電話黎放我飛機，好嬲呀。
今日又落雨，我發現我次次要出街都會落雨架，都唔知點解。
一早起身，竟然係８點，先幾日我都訓到好遲架，起馬都有訓１１個鐘ｍａ。
無野做，又唔想起身，咪訓起張床到自己諗一個夢出黎ｌｏｒ（真係白日夢喇）
諗左一個好開心既夢呀。９點鐘起身睇電視果ｄ。之後１０點就上黎申請日記喇。
搞個日記搞到１２點３先記得自己仲未食早餐ｂｏｒ。
好想快ｄ 到星期一呀，星期一我就會同ｍｉｓａ 佢地出街架喇∼
好想快ｄ 到呀，但係都唔想咁快到呀，咁快到姐係話好快又要返學喇。
咁又唔係過我唔想返學，我都好想９月１日快ｄ 黎，但係，我未做哂功課呀。
唔知幾時同家燕佢地一齊商量功課呢。其實我地邊有咁乖呀，都係想出街姐ｍａ。
今日唔得閒去鑽石山呀，我要去影相黎做功課架ｍａ，點知又落雨。
好想同人傾計，但係ｄ 人個個都好似未訓醒咁，勁小人ｏｎｌｉｎｅ呀個ｉｃｑ。
星期六都唔知有咩好做，如果我有好多班參加就好喇。
| 
