好耐無打日記喇...琴日拎左成績表...成績就唔好提喇...

琴日返學果陣唔見左學生証...收左一張留堂紙...收到之後

又唔知自己放左去邊...之後果陣有d想喊架...之後又無咩野

開心返好多lor~之後....都無咩事發生咁...

上maths堂果陣借左潔潔支顏色筆....之後畫畫下...

唔小心整爛左支藍色....之後畫左隻龜o係潔潔本手冊果到..

比子彈話我好壞bor~....都唔係第一次比人話架啦..

之後...lunch去洗手果陣...凱怡勁大聲咁同我講

[[少明,我知你收左一張留堂紙呀,但係你唔洗唔開心架]]....

之後知道左家燕佢又考第一...宋嘉駒佢就喊啦...好無奈啦..

之後某人又勁大聲話...青錯呀..第一同第三名係唔係調錯左呀

咁又係...某人同某人依家咁fd...都唔知某人係唔係中意左某人..

如果係真既,又難怪佢咁幫某人既..但係..我又最憎某人話家燕...

好cheap呀....某人3甲不入就想幫某人....唉唉唉~

講返今日先啦...今日早上就同蕉蕉去左飲茶,之後就返左屋企

打比家燕,佢又想訓,打比潔潔,佢又要練琴...真係呀...之後本想約左潔潔佢

話如果佢練得快就去mk,但係...太遲,之後又o係屋企籥不思議遊戲啦

夜晚先同潔潔出去..行左好多地方...有d腳軟軟

琴日去左留堂班,見唔到miss咪去芒果到留堂lor~

之後miss先同我講唔洗我去芒果到留架..係另外比d野我做

唉算啦!!今日返到屋企有排我忙喇!!上數學堂伙咩心機..發發下呆

無啦啦有條橡筋飛去我果到,,,,響我面前停左...唔知咩事

上art果堂先係最好笑架...miss話搵人出去做model bor~哈哈~

好好笑...抽到鄺嘉兒,呀wing,殷嘉偉同heidi~話鄺家兒好難

話呀wing又話到呀婆咁...話殷嘉偉又好似士多啤利...得heidi係最似

我覺得lor~lunch又做壁報...之後做完打鐘返埋位..之後嘉偉地又大戰..

我啦.家燕啦.潔潔啦都坐開d架喇...點知好衰唔衰..中我...我仲要問人係咪打中我呀

之後過左無耐,無啦啦拍一聲...成支粉筆打中我塊面....哈哈~

唔知點解果陣覺得好好笑lor~之後笑住咁同子彈講唔緊要唔緊要!!!